افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین قندوز ولایتی قلعه زال اولسواللیگی نینگ بیر قنچه عالملری همده محلی مسووللری بیلن اوچره شدی.
بو اوچره شووده بیرینچیدن قندز ولایتی قلعه زال اولسوالی حرمتلی مولوی عبدالقدیر حمزه باشقه لر نماینده لیگیده صحبت قیلیب اوزی نینگ ایش و فعالیتلری حقیده ریاست الوزراء اداری اورین باسرلیگیگه گزارش بیردی.
اونگه کوره، مجاهدلر و محلی مسووللر امنیت تامینله نیشی، تینچلیک و اسلام امیرلیگی بویوکلری بویروقلری بجریلیشی اوچون خدمت ده تیارلر و مردم نینگ قیینچیلیگی برطرف بولیشی اوچون تلاش قیله دیلر.
کیینچه لیک حرمتلی مفتی عبدالله صحبت قیلیب اسلام امیرلیگی رهبریتیدن آستقورمه لر توزه لیشی جمله دن قندوز ولایتی قلعه زال اولسواللیگیده صحی کلینیکلر ایجاد بولیشی، برق ییتکزیش و یوللر قیته تیکلنیشیگه خاص توجه قیلیشلرینی ایسته دی.
سونگ ریاست الوزراء اداری اورین باسری حرمتلی مولوی عبدالسلام حنفی اولرنینگ صحبتلرینی ایشیتگن دن کیین، محلی مسووللر وظیفه لرینی بجریش ده قیسقه کیلمه ی و مردم نینگ معمالرینی برطرف قیلیش ده چاره تدبیر کوریشلری حقیده تاکیدله دی.
ریاست الوزراء اداری اورین باسری قندوز ولایتی محلی مسووللری ایشلریدن منتدارچیلیک بیلدیریب مذکور عالملر و مسووللرنینگ پیشنهادلری حقیده ایتیشیچه، اسلام امیرلیگی موجود امکانیت بیلن ایتیلگن موردلرگه توجه قیلیشی ممکن.#
