افغانستان اسلام امیرلیگی ریاست الوزراء عمومی دفتری باشلیغی حرمتلی داکتور ملا عبدالواسع بوگون توشدن کیین ارگده شیعه علمالری و آقسقاللری وکیللریدن بیر نیچته‌سی بیلن اوچره‌شدی.
اوچره‌شوو باشیده حرمتلی سید صوفی گردیزي، حرمتلی سید شریفي بلخابي و حرمتلی محمد اسحاق صفدری باشقه‌لر نامیدن سوزگه چیقیب، اسلامي امیرلیک بیلن خلق اورته‌سیده‌گی یقین علاقه‌لر و هم‌جهتلیکنی آلقیشله‌دیلر.
اولر تأکیدلشدیکی، شیعه جماعه‌سی اسلامي توزومنی تولیق قوللب-قوّتله‌یدی و اونگه بویسونه‌دی، او بیلن یخشی مناسبتلرگه ابگه همده اونینگ سایه‌سیده او ارا توشونیش و همکارلیک محیطیده یششدن ممنون.
تورلی ولایتلردن کیلگن شیعه علمالری و آقسقاللری وکیللری یازمه روشده اوز تکلیف و معمالرینی تقدیم ایتدیلر و سوو مسأله‌سی، قوشنی مملکتلردن قَیتگن افغان قاچقینلری طفیلی هرات، کابل و اَیریم باشقه ولایتلرده اوی-جای معماسینی حل ایتیش، مسجدلرنی قَیته قوریش و برپا ایتیش، شونینگدیک اسلام امیرلیگی بیلن خلق اورته‌سیده‌گی علاقه‌لرنی ینه‌ده مستحکملش کبی مسأله‌لر بار ایدی.
شوندن سونگ دکتر ملا عبدالواسع اولرنی صمیمي کوتیب آلیب، ارگ برچه افغانلر نینگ عمومي اویی ایکنینی و اسلامي امیرلیک رهبریتی برچه معما و تکلیفلرنی حل ایتیشنی اوزی نینگ مسوولیتی دیب بیلیشینی ایتدی.
ریاست الوزراء عمومی دفتری باشلیغی حرمتلی داکتر ملا عبدالواسع اسلامي توزوم و خلق اورته‌سیده‌گی علاقه‌لرنی مستحکملش باره‌سیده شیعه علمالری و آقسقاللری نینگ رولینی یوقاری بهاله‌دی.
ریاست الوزراء عمومی دفتری باشلیغی هر بیر پیشنهاد بوییچه انیق کورسه‌تمه‌لر ببردی و اولرنی تبگیشلی اداره‌لر بیلن بۉپولیشیشینی کفالتله‌دی.
