افغانستان اسلام امیرلیگی ریاست الوزراء مقامی عمومی دفتری باشلیغی حرمتلی الحاج داکتر ملا عبدالواسع، بوگون توشدن آلدین ایمرجنسی ساغلیقنی سقلش خیریه تشکیلاتی نینگ باشلیغی دیان پنیک و بو تشکیلات نینگ علاقه لر مسوولی محمد آصف جنابلری بیلن ارگ ده اوز ایش دفتریده اوچره شیب ملاقات قیلدی.
حرمتلی داکتر ملا عبدالواسع ایمر جنسی تشکیلاتی اولرنی خوش کیلیب سیزلر دیب، اوشبو تشکیلات نینگ افغانستانده ساغلیقنی سقلش ساحه سیده گی کینگ کولم ده عام المنفعه خدمتی و بو شرایط ده افغانلرگه اولویت بیرگنی اوچون منتدارچیلیک بیلدیردی.
کیینچه لیک دیان پنیک جنابلری ایمرجنسی تشکیلاتی نینگ افغانستان قوشیمچه باشقه مملکتلرده گی فعالیتی همده یوتوقلری باره سیده معلومات بیردی.
اونگه کوره، ایمرجنسی اوتمیش ده کوپراق افغانستان ده اوروش ده یره لنگنلرنی معالجه ایتردی، لیکن حاضر ایسه ترافیک و باشقه (تراما) حادثه لرده زیان کوره دیگنلرگه خاص توجه قیله دی دیدی و برچه ساغلیقنی سقلش خدمتلر، جراحلیک عملیات و معالجه ایسه تیکین شکلده بیریله دی.
شونینگدیک او، دونرلر توجه سینی جلب ایتیش، بودجه و تشکیلات نینگ کیله جک ریجه سی باره سیده هم معلومات بیردی.
ریاست الوزراء مقامی عمومی دفتری باشلیغی حرمتلی الحاج داکتر ملا عبدالوسع ایمر جنسی تشکلاتی عمومی باشلغیگه، هر بیر تشکیلات و کیمسه عامه مردم نینگ رفاه و آسایشته لیگی یولیده تلاش قیلسه بیز اونی هر تامانلمه حمایت قیله میز دیدی. امیدکه سیزلر فعالیتلرینگیزنی ساغلیقنی سقلش عام المنفعه باشقه بولیملریده دوام بیرینگلر.
ریاست الوزراء مقامی دفتری عمومی باشلیغی اوزی نینگ صحبتلری اداغیده، اسلام امیرلیگی بو تشیکلات دن علاوه افغانلر حیاتی یخشیله نیشی اوچون فعالیت قیله دیگن باشقه تشکیلاتلر خدمتلرینی حمایت و اولرگه قولیلیک یره تیب بیره دی دیدی.#
