چین – جنوبی آسیا همکارلیک فورمی و خلق ارا کورگزمه ده اشتراک ده اسلام امیرلیگی نینگ یوقاری مرتبه لی هیاتی باشلچیلیگیده چین نینگ یون‌نینگ ولایتیگه سفر قیلگن افغانستان اسلام امیرلیگی ریاست الوزراء اداری اوری باسری حرمتلی مولوی عبدالسلام حنفی بوگون ایرتلب کابلگه قیتیب کیلدی.
اوشبو سفرده، افغانستان اسلام امیرلیگی هیاتی چین مملکتی یوقاری مرتبه لی رسمیلری تامانیدن قیزیق کوتیلگن ایدی.
ریاست الوزراء اداری اورین باسری حرمتلی مولوی عبدالسلام حنفی ایسله تیلگن کورگزمه همده فورمده اشتراک قیلیب نطق سوزلشدن علاوه چین دولتی یوقاری مرتبه لی رسمیلری، یون‌نن ولایتی والیسی والیسی و باشقه مسووللری، چین خلقی جمهوریتی ملی رهبرلری، بیلیم یورتی باشلیغلری، استادلری، اکادمیک شخصیتلر، تاجرلر و سرمایه یاتقیزوچیلر بیلن ایری - ایری اوچره‌شوولر اوتکزدی.
بو اوچره شوولرده ریاست الوزراء اداری اورین باسری اسلام امیرلیگی نینگ تورلی بولیملرده گی یوتوقلرینی شرحله دی و هر ایکی تامان اقتصادی، تجارتی، ساغلیقنی سقلش، تعلیم و اکادمیک همکارلیکلر افغانستان و چین اورته سیده کوپراق کوچه یتیریلیشی و هر ایکی مملکت مناسبتی باره سیده هم فکر المشتیریلدی.
حرمتلی مولوی عبدالسلام حنفی و یولداش هیایتی بو سفر آقیمده یون‌نن ولایتی نینگ علمی، تحقیقی، ایکینچیلیک و دوایی مرکزلر قوشیمچه چین – جنوبی آسیا کورگزمه سیده افغانستان تولیداتلرینی کوزگرمه گه قویگن افغان تاجرلری نینگ غرفه لرینی هم کوزدن کیچیردی.#
