افغانستان اسلام امیرلیگی ریاست الوزراء اورین حرمتلی مولوی عبدالسلام حنفی بوگون توشدن سونگ بیرلشگن ملتلر تشکیلاتی قاچقینلر بوییچه عالی کمیشنری فلیپو گراندی جنابلری همده یولداش هیایتی بیلن اوچره شدی.
بو اوچره شووده فلیپو گراندی جنابلری افغانستانگه سفری، اسلام امیرلیگی مسووللری بیلن اوچره شگنی و افغانستان ده امنیت تامینلنگنیدن خرسندلیک قیلیب ایتیشیچه، حاضرگی کونده مهاجرلر همده اولکه گه قیتیب کیلگنلرگه شاشیلینچ یاردملر موضوعی و اولرنینگ قیته دن جامعه گه قوشیلیشی خاص اهمیت گه ایگه و بیرلشگن ملتلر تشیکیلاتی نینگ کمشنرلیگی آلدینگی یاردملریدن علاوه مهاجرلر قیینچیلیگی تیرگلیشی اوچون همکارلیک قیله دی.
قاچقینلر بوییچه بیرلشگن ملتلر تشکیلاتی نینگ عالی کمیشنری، قوشنی مملکت لردن کینگ کولمده مهاجرلرنینگ چیقاریلیشیگه قره مه ی، اسلام امیرلیگی جبری چیقاریلگن مهاجرلر وضعیتینی یخشی بیر شکلده باشقرگن و تقدیرگه ارزیدی دیدی.
گراندی جنابلری نینگ قوشیمچه قیلیشیچه، مهاجرلرنی یقین دن کورگن و موضوع نی ایسه تیگیشلی تامانلر بیلن اورته گه قویگن.
سونگره ریاست الوزراء اداری اورین باسری حرمتلی مولوی عبدالسلام حنفی فلیپوگراندی جنابلری و یولداش هیاتنی خوش کیلیب سیزلر دیب، بیرلشگن ملتلر تشکیلاتی عالی کمیشنرلیگی نینگ قاچیقینلر توغریسیده گی همکارلیکلریدن تشکرلیک قیلدی.
ریاست الوزرآء اداری اورین باسری، قوشنی مملکتلردن افغان مهاجرلرینی جبری چیقاریش کوزگه کورینرلی درجه ده کوپیگن فقطگینه اسلام قلعه بندری آرقه لی کونیده ۳۰ و ۳۵ مینگ مهاجر چیقاریله دی بو ایسه مهاجرلر اوچون کته قیینچلیکنی توغدیرگن.
شونینگدیک ریاست الوزراء اداری اورین باسری، اسلام امیرلیگی مهاجرلرنینگ قییینچلیگینی حل قیلیشیگه باعث بوله دیگن هر بیر میکانیزمنی خوش قرشیلیدی و بیرلشگن ملتلر تشکیلاتی عالی کمیشنرلیگی و باشقه تشکیلاتلرنینگ همکارلیکلری یانیده مهاجرلرنینگ جامعه گه قوشیلیشی و اولرگه دایمی اوی قوریب بیریش ده یاردملرینی طلب قیله دی دیدی.#
