افغانستان اسلام امیرلیگی ریاست الوزراء اقتصادي مسأله‌لر بوییچه اورین‌باسری، محترم ملا عبدالغنی برادر آخند باشچیلیگیده ملي تدارکات کمیسیونی نینگ نوبتده‌گی ییغیلیشی بوگون مرمرین قصریده اوتکزیلدی.
ییغیلیش کون ترتیبیگه موافق، ۲۹ ته لایحه تصدیقلش اوچون تقدیم ایتیلدی. بجثلردن سونگ، ۲۴ ته لایحه تحریر قیلیندی، ایکی ته‌سی تصدیقلندی و ایکی ته‌سی بیکار قیلیندی.
شونینگدیک، بیر لایحه بوییچه مخصوص کمیته‌گه تاپشیریق بیریلدی - غالب شرکتلر بیلن لایحه نرخی باره‌سیده مذاکره اوتکزیش و نتیجه‌سی حقیده ملي تدارکات کمیسیونی نینگ نوبتده‌گی ییغیلیشیده گزارش بیریش وظیفه‌سی یوکله‌تیلدی.
تعدیل قیلینگن و تصدیقلنگن لایحه‌لر آره‌سیده قوییده‌گیلر بار: قنده‌هار ولایتیده‌گی احمدشاه بابا خلق‌ارا قونالغه‌سی نینگ یولاوچی اوچاقلر اوچون مولجللنگن رمپ جیولیت قوریش، حیرتان–مزار شریف تیمیر یولی نینگ تیمیر یول و تیمیر یولگه عاید بولمه‌گن انشااتلرینی قَیته تیکلش، کنر ولایتیدن نورستان ولایتیگچه بولگن یول نینگ ۱- و ۲-باسقیچلرینی قوریش، هلمند ولایتی نینگ ناوه تومنیده‌گی شامالان کانالینی قیته قوریش مملکت نینگ باجخانه پونکتلریده خوفسیزلیک کامره‌لرینی اورنه‌تیش، تورلی ولایتلرده الکتر لایحه‌لری اوچون ضرور اسکونه‌لرنی خرید قیلیش.
مذکور لایحه‌لر افغانستان اسلام امیرلیگی تامانیدن مالیه‌لشتیریله‌دی.
