افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند بوگون توشدن سونگ ارگ ده قزاقستان جمهوریتی باش وزیری اورین باسری همده تشقی ایشلر وزیری حرمتلی مورات نورتلیو و یولداش هیاتی بیلن اوچره شدی.
اوچره شووده اقتصاد وزیرلیگی سرپرستی قاری دین محمد حنیف، کانلر و پترولیم وزیرلیگی سرپرستی ملا هدایت الله بدری، فواید عامه وزیرلیگی سرپرستی ملا محمد عیسی ثانی، ترانسپورت و هوا یوللر وزیرلیگی معینی عبدالسلام حیدری، ایکینچلیک، سوغاریش و چارواچلیک وزیرلیگی معینی مولوی صدر اعظم، د افغانستان بانک عمومی سرپرستی نور احمد آغانینگ حضوری بار ایدی.
دستلب، حرمتلی ملا عبدالغنی برادر قزاقستان باش وزیری اورین باسری و تشقی ایشلر وزیری همده یولداش هیاتینی خوش کیلیب سیزلر دیب، اولرنینگ بو سفرینی افغانستان و قزاقستان اورته سیده گی اقتصادی، تجارتی و سیاسی مناسبتلر کوچه یشی مهم دیدی.
قزاقستان باش وزیری اورین باسری مملکتی مرکزی آسیاده بیر کوچی مملکت دیر و اوزی نینگ مناسبتینی افغانستان ایناغه مملکت بیلن تورلی ساحه لرده کینگیتیریشنی ایسته یدی دیدی. اونینگ ایتیشیچه، قزاقستان خلق ارا سطحده افغانستان نینگ دوستی دیر بو مملکت نینگ سیاسیتی اقتصادی، تجارتی، ترانیزیتی و افغانستان بیلن مثبت تعامل یونلتیریلگن دیر و اسلام امیرلیگی قزاقستان اوستیگه حساب قیله آله دی دیدی.
اونینگ افغانستان امنیت و ثباتی باره سیده اشاره قیلیب ایتیشیچه، بو وضعیت تورلی ساحه لرده مشترک پروژه لرنی عملگه آشیریش اوچون یخشی فرصت و هر ایکی تامان بوندن کوپ فایده له نیشی کیره ک.
حرمتلی مورات نورتلیونینگ سوزلریگه کوره، قزاقستان باش زویری نینگ بویروغیگه اساسیده بو هیات ترکیبیده سکتوری وزیرلیکلرنینگ برچه نماینده لری شامل دیر تاکه افغانستان بیلن تخنیکی گفتگولرگه دوام بیرسه لر.
قزاقستان باش وزیری اورین باسری نینگ تاکیدله شیچه، مملکتی نینگ افغانستان بیلن فرهنگی، اقتصادی و اسلامی مشترکاتلرگه ایگه و تاریخ دوامیده افغانستان بیلن یخشی دوستانه علاقه ده دیر. اونینگ قوشیمچه قیلیشیچه: «بیزلرنینگ سفریمیز همه مملکتلر اوچون یخشی پیام بولیشی کیره ک تقابل اورنیده افغانستان بیلن تعامل نی انتخاب قیلیشلر درکار. بیزلرنینگ تاکیدیمیز شو بولگن که افغانستان خلق ارا محفللر و پروژه لرنینگ بیر بولگی بولیشی کیره ک دیر. بیزلر اسلام امیرلیگی بیلن یاروغ و آیدین تعامل بیلن آلغه کیته میز.»
شونینگدیک او افغانستان اسلام امیرلیگی ریاست الوزراء اقتصادی اورین باسری نینگ مطرح قیلگن پیشنهادلرینی تیگیشلی اداره لر بیلن شریک قیلیشی ممکن تاکه کیله جک چاره تدبیرلر اوچون یارقین یول خریطه سی تیارلسنه و مملکت ایسه تحصیلات، برق، تیمیر یول، کانلر و باشقه ساحه لرده افغانستان بیلن دایمی همکارلیگی بولسه.
داومده حرمتلی ملا عبدالغنی برادر آخند افغانستان ده تورت ییل آلدین تاریخی اوزگریش دن کیین، حاضر مملکت لر بیلن ثبات، امنیت و مشترک اقتصادی همکارلیک نینگ ینگی فصلی باشلنگن دیب ایتدی.
حرمتلی ملا برادر قزاقستان نینگ هرات – تورغندی تیمیر یول مهم پروژه سیگه سرمایه یاتقیزیشینی خوش قرشلیب ایتیشیچه، بو پروژه لر فقط گینه ایکی تامانلمه اقتصادی علاقه لرنی کوچه یتیرمه ی، بلکه ترانزیت و تجارت اوچون هم مهم آلغه سیلجیش حسابلنه دی.
اونینگ سوزلریگه کوره، افغانستان ثمره لی بیر ترانزیتی دهلیز عنوانیده قزاقستان انرژیسینی افغانستان توپراغی آرقلی جنوبی آسیاگه ییتکزیش نی فراهم ایته دی.
شونینگدیک حرمتلی ملا عبدالغنی برادر آخند قزقستان نینگ برچه ساحه لرگه قیزیقیشیچه اشاره قیلیب، هر ایکی مملکت کانلر، ترانسپورت، مخابرات، انرژی ایشلب چیقاریش، نفت و گاز بوییچه مشترک همکارلیگی بوله دی بو همکارلیک نینگ باشله نیشی هر ایکی مملکت نینگ اقتصادی ثباتی، رواجله نیشی و آسایشته لیگیگه سبب بوله دی.
ریاست الوزراء اقتصادی اورین باسری افغانستاننی زراعتی محصولات سقله نیشی و قرنطین بولیشی توغریسیده شرطنامه امضاله شینی اعلان قیلدی و باشقه موضوعلر جمله دن افغانستان ده آزاد زمان بانکلری نینگ حسابی آچیلیشی، مشترک تجارت ده ملی پولی واحدلر فایده له نیشی، ترانسپورت و خلق ارا حمل و نقل خصوصیده گی کیلیشووی پیش نویسی نهایی بولیشی، صنعتی، تجارتی و ترانسپورتی بولیملرده همکارلیک آشیریلیشی، افغانستان و قزاقستان ده کالالر ساتیش مشترک مرکز ایجاد بولیشی و افغانستان دن آلیب اوتیله دیگن کالالر تعرفه و ترانزیتی کمه یشی پیشنهاد و معلومات صفتیده شریک قیلدی.
بو اوچره شوو اداغیده، افغانستان اسلام امیرلیگی فواید عامه وزیری قزاقستانلیک همکسبی بیلن هرات – تورغندی تیمیر یولی کیلیشوونی امضاله دی.#
