افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر بوگون آذربایجان جمهوریتی خنکندی شهریده قزاقستان باش وزیری بیلن صحبت قیلیشدی.
بو اوچره شووده هر ایکی تامان سیاسی و اقتصادی موضوعلر قوشیمچه افغانستان و قزاقستان اورته سیده گی تجارت باره سیده فکر المشتیردیلر.
حرمتلی ملا عبدالغنی برادر آخند افغانستان اوچون قزاقستاننی مهم و ایشانچلی بیر شریک دیب و افغانستان اوچون بو مملکت خاص نماینده سی تعین لنگنینی مهم و ارزشلی بیر قدم دیدی. شونینگدیک او قزاقستان جمهوریتیدن خلق ارا ییغیلیشلرده افغانستاننی حمایت قیلگینی اوچون تشکرلیک قیلدی.
ریاست الوزراء اقتصادی اورین باسری نینگ ایتیشیچه، افغانستان قیزاقستان اوچون اورته شرق و جنوبی آسیا اوچون مهم بیر ترانزیتی یونه لیش حسابلنه دی و عین حالده، قزاقستان ایسه افغانستان اورپا بیلن باغله آله دی. شو اساسیده قزاقستان سرمایه یاتقیزیش، تجارت، تیمیر یول و ترانزیتی ایشلر بوییچه موجود فرصت لردن فایده له نیشی کیره ک.
شونینگدیک او هر ایکی مملکت اورته سیده زراعتی محصولات سقله نیشی و قرنطین بوییچه امضالنگن کیلیشوونی ایکی تامانلمه تجارت حجمی اوچ میلیارد دالرگچه کوتریلیشینی هم دیب افغانلرگه ویزه بیریش ده قولیلیک یره تیش، قزاقستان زمان و آزادی بانکلریده افغانی بانکلر بانکی حسابلری آچیلیشیگه تاکیدله دی. افغانی بانکلر بو اوچون بوتونله ی همکارلیک قیلیش ده تیارلر دیب ایشانچ بیردی.
دوامیده ریاست الوزراء اقتصادی اورین باسری افغانستان هر ایکی تامانلمه تجارت کینگیشی مقصدیده، تیمیر یول آرقلی واردات و صادرات عملیاتی اوچون بیر شرکت تاسیس بولیشی و بونی تیزلیک ده قزاقستانگه تانیشتیریش نی بیلدیردی.
اونینگ قوشیمچه قیلیشیچه، هر ایکی مملکت اورته سیده یوک تاتیش و خلق ارا ترانسپورت کیلیشووی نینگ مسوده سی ترتیب بیریلگن، ترانزیتی تاورلر تعرفه سی کمه یشی اوچون جدی تیکشیرولر همده ایران، قزاقستان و ترکمسنان بیلن صنعتی، تجارتی ترانسپورت ساحه لرده همکارلیک کیلیشووی تیارلنگن و بو توغریده قزاقستان همکارلیک کته اهمیت گه ایگه.
کیینچه لیک قزاقستان باش وزیری اوزی نینگ صحبتلریده مملکتی افغانستان بیلن یخشی علاقه سی بار و بو علاقه کوچه یشی مقصدیده قزاقستان تشقی ایشلر وزیری یقین کونلرده افغانستانگه سفر قیلیشی کوتیله دی دیدی.
قزاقستان باش وزیری نینگ سوزلریگه کوره، قزاقستان تیزلیک 500 میلیون دالر قیمتی بولگن ده تورغندی – هرات تیمیر یول پروژه سینی افغانستان ده باشله یدی.
شونینگدیک او افغانستان کانلریده مملکتینی سرمایه آلیب کیریش ده قیزیقیشی بارلیگینی اعلان قیلیب ایتیشیچه، قزاقستان افغانستان دن میوه وارد قیلیش نی کوپه یتریش گه تیار دیر و قزاقستان یولی آرقلی افغانستان صادارتیگه هم قولیلیک یره تیب بیره دی.
باش وزیر اوزی نینگ صحبتلری اداغیده قزاقستان افغانستان بیلن تجارتی علاقه سی اینگ کوې بولگن اون مملکت دن بیری حسابلنه دی و بو علاقه لر کینگیشیگه متعهد دیر.#
