افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر قزاقستان باش وزیری اورین باسری سریک ژومانگارین و اونگه یولداشلیک قیلگن هیت بیلن اوچره شدی.
اوچره شوو بوگون توشدن آلدین ارگ نینگ گلخانه قصریده بولیب اوتدی. ملاقات ده اقتصادی تورلی بولیملرده هر ایکی تامان اورته سیده همکارلیکلر کینگیشی باره سیده بحث بولیب فکر المشتیریلدی.
ریاست الوزراء اقتصادی اورین باسری افغانستان نینگ قزاقستان بیلن اساسی مشترکاتی بار و تاریخ جریانیده هر ایکی مملکت اورته سیده تجاری مثبت روابط و سرمایه یاتقیزیش فرصتلر آشگنی کورینه دی دیدی.
او. حرمتلی ملا صاحب نینگ قوشیمچه قیلیشیچه، اسلام امیریگی حاکمیت گه کیلگندن بویان هر ایکی مملکت اورته سیده سرمایه کیریتیش آلدین کونلردن کوره آشگن و هنوز هم کوپیماقده.
حرمتلی ملا عبدالغنی برادر آخند، افغانستان قزاقستان شامل باشقه مملکتلر بیلن اقتصادی مناسبتلر و سرمایه یاتقیزیش علاقه لر کینگشی اوچون کوچلی اراده سی بار و شونینگ اوچون هم سونگی وقتلرده کابل و آستانه اورته سیده تجارت سطحی اوچ میلیاردگه آشیشی مقصدیده یول خریطه‌سی مسوده سیگه قول قوییلدی دیب ایتدی.
ریاست الوزراء اقتصادی اورین باسری اوزی نینگ صحبتلریده، بو یول خریطه سی کوچه کیریتیلیشی بیلن اقتصادی تورلی بولیملرده تجارت، زراعت، کانلرنی قازیش، ترانسپورت، ترانزیت، تیمیر یول و صنعت بولیمیگه مبث اوزگریش کیله دی و باشقه تیگیشلی بولیملرگه هم سرمایه کوپه یه دی.
حرمتلی ملا صاحب گه کوره، اسلام امیرلیگی افغانستان کانلریده سرمایه یاتقیزیش موجود فرصتلرنی قزاقستان بیلن شریک و زراعتی محصولات نی سقلش، قرنطین و مالدارلیک بولیمیگه شرطنامه امضالشگه تیار دیر. شونینگدیک ریاست الوزراء اقتصادی اورین باسری هر ایکی مملکت اورته سیده بانکی علاقه رواجله نیشی و افغانستان نفت ساحه سی توسعه و اکتشاف بولیشی اوچون قوشمه همکارلیککه تاکیدله دی.
شونینگ دیک حرمتلی ملا عبدالغنی برادر آخند، اسلام امیرلیگی تیمیر یولی ارقلی مملکت واردات همده صادرات میزانی آشیشی مقصدیده عملیاتی شرکت تاسیس قیلیش نی باشله گن، یقین آره ده قزاقستانگه معرفی قیلینه دی. بو بیلن منطقه مملکتلری ارا تیمیر یولی ارقلی تجارتی ایشلر ینه هم تیزلشتیریله دی.
ریاست الوزراء اقتصادی اورین باسری، افغانستان منطقه مملکت لری بیلن صنعت، تجارت و ترانسپورت میدان ده همکارلیک قیلیش ده تیار، بو باره ده اسلام امیرلیگی تورت مملکت بیلن (افغانستان، ایران، قزاقستان و ترکمنستان) تیگیشلی واحد مرکز کیلیشوو مسوده سی ترتیب و قزاقستان بیلن شریک قیلینه دی دیب تیلگه آلدی.
عین حالده حرمتلی ملا صاحب کابل و آستانه اورته سیده پرواز باشله نیشی، افغان تاجرلریگه قزاقستان ویزه سی بیریلیشی بولیمیده آسانلیک یره تیلیشی و منطقه مملکت لری اشتراکیده اقتصادی مجمع توزه لیشی ده افغانستان فعال حصه قوشینی تاکیدله دی.
کیینچه لیک قزاقستان باش وزیری نینگ اورین بساری حرمتلی سریک ژومانگارین، قزاقستان رواجلنگن و مستقل بیر افغانستاننی حمایت قیله دی و افغانستان ده تورلی ساحه لرده کوزگه سیزیلرلی رواجله نیشلر کورینه دیدی. حرمتلی ژومانگارنینگ کوپیتیریشیچه، بو رواجله نیشلرنی نظرده توتگن حالده، قزاقستان و افغانستان اورته سیده تجارت و اقتصادی علاقه لری کینگه یگن.
اونینگ سوزلریگه کوره، قزاقستان تورغوندی- هرات- سپین بولدک تیمیر یولی پروژه سی تورغوندی – هرات فاز ایشی عملده باشله نیشی اوچون ۵۰۰ میلیون دالر سرمایه و شونینگدیک هرات ده مذکور پروژه ایشلری ... اوچون لوجستیکی و ترانسپورتی شرکت توزه تیش اوچون تیار دیر.
قزاقستان باش وزیری اورین باسری، قزاقستان ایسله تیلگن پروژه لردن علاوه انترنیت لینی تمدید بولیش پروژه سی اوچون هم تیارگرلیگی بار، بونینگ اساسیده انترنیت نی افغانستانگه اینگ ارزان نرخ ده بیره دی.
اونگه کوره، قزاقستانلیک سرمایه یاتقیزوچیلر افغانستان ده تورلی بولیملر اینیقسه کانلر، نفت و گاز بوییچه سرمایه کیریتیش گه تیار دیر و بو بولیم نینگ تخنیکی تیمی کابل گه کیلگنلر. اوچره شوو دوامیده قزاقستان آرقلی افغان تاجرلریگه ویزه بیریش، هر ایکی مملکت اورته سیده پروازلر باشله نیشی، بانکی هکارلیک، ترانزیت و ایکی تامانلمه تجارت آشیشی و عین حالده ساغلیقنی سقلش و تعلیم بولیمیده مشترک همکارلیککه تیار دیر.
ریاست الوزراء اقتصادی اورین باسری قزاقستان نینگ تیمیر یول لایحه‌سیگه ۵۰۰ میلیون دالر سرمایه کیریتیشی و لاگیستیکه-ترانسپورت کمپنیسی تشکیل ایتیلیشینی، شونینگدیک، قزاقستانلیک سرمایه یاتقیزوچیلرنینگ تورلی ساحه‌لرگه سرمایه کیریتیشگه تیارلیگینی استقبال قیلیبو اولرنی اسلام امیرلیگیدن برچه تورده‌گی همکارلیککه ایشانتیردی.#
