افغانستان اسلام امیرلیگی ریاست الوزراء اقتصادی وزیری کازان خلق ارا ۱۶ اقتصادی فورم ییغینی جریانیده موردوویا جمهور رییسی ارتیوم الکسیویچ زدونوف بیلن کوریشدی.
بو ملاقات جریانیده حرمتلی ملا عبدالغنی برادر کازان اقتصادی فورمی هر ایکی مملکت نینگ زراعت، تجارت، برق و باشقه بولیملرده همکارلیک ایجاد بولیشی اوچون مهم بیر فرصت دیدی. حرمتلی حاجی ملا صاحب نینگ قوشیمچه قیلیشیچه، افغانستان حاضرگی کونده تورلی بولیملریده سرمایه کیریتیش اوچون کوپ فرصتلر بار و تشقی سرمایه یاتقیزوچیلر بو بولیملرگه سرمایه آلیب کیره آله دیلر.
ریاست الوزراء اقتصادی اورین باسری افغانستان اینگ یوقاری صفتلی قوریق میوه، وطنی قالینلر، قیمت بها تاشلر، مرمر و باشقه معدنی ایشلب چیقاریش گه ایگه و بو بولیمده اوزی نینگ صادراتینی موردوویا جمهوریتی بیلن باشلشگه تیار دیدی.
حرمتلی ملا صاحب گه کوره، بیزلر ایچکی احتیاجلریمیزنی برطرف قیلیش اوچون برقی اوسکونه لر، قوریلیش مواد، صنعتی بویوملر، نفتی مواد، طبیعی گاز، خام آلمونیم، ریل واگونلری و ترانسپورتی اوسکونه لرنی موردوییادن وارد قیلمقاچی میز.
ریاست الوزراء اقتصادی اورین باسری موردوویا سرمه گذارلریدن صنعت، کانلر و زراعت بوییچه افغانستانگه سرمایه آلیب کیریشلرینی طلیب قیلیب و اولرگه هر قندی همکارلیک قیلیش دن ایشانچ بیردی.
سونگ موردوویا جمهور رییسی ارتیوم الکسیویچ زدونوف صحبت قیلیب ایتیشیچه، هر ایکی مملکت اورته سیده اقتصادی و تجارتی علاقه لرنی کینگیتیریش باشله نیشی اوچون یخشی بیر فرصت بولدی و موردوویالیک سرمایه یاتقیزوچیلری افغانستان بازاریده ایشلشگه تیارلر.
اونینگ قوشیمچه قیلیشیچه، مملکتی طب، ایکینچیلیک، انرژی و دارو ایشلب چیقیش ده یخشی آلغه سیلجیشلری بولگن بو بولیمده هم افغانستان تامنای بیلن قوشمه همکارلیک قیلیش گه تیار دیر.
ارتیوم الکسیویچ زدونوف جنابلری، موردوییا کوپینچه مملکت لر بیلن زراعتی محصولاتلر بوییچه صادراتی بار و اوزی نینگ صادراتینی موردوویا- قزاقستان و اوزبکستان آرقلی افغانستانگه باشلشنی هم ایسته یدی دیب تیلگه آلدی.
شونینگدیک موردوویالیک سرمایه یاتقیزوچیلر افغانستانگه سرمایه آلیب کیریش ده بولگن قیزیقیشلرینی بیلدیردیلر و ریاست الوزراء اقتصادی اورین باسری اسلام امیرلیگی تامانیدن اولرگه همکارلیک اوچون تولیق ایشانچ بیردی.
بو اوچره شوو جریانیده، افغانستان صنعت و تجارت وزیرلیگی سرېرستی الحاج نورالدین عزیزی، افغانستان حلال آزیق آوقت، زراعتی محصولات و صنعتی تولیدات بولیمیده موردوویا بیلن کینگ کولمده تجارت باشلشگه تیار دیب ایتدی.
عزیزی جنابلری نینگ کوپه یتیریشیچه، افغانستان مهم شرکتلری بو بولیمده قوشمه همکارلیک مقصدیده موردوویا تامانیگه تانیشتیریله دیلر.#
