افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ بدخشان ولایتی والیسی نینگ اورین باسری حرمتلی قاری احمد طیب بیلن کوریشدی.
اوشبو اوچره‌شووده بدخشان ولایتی والیسی اورین باسری مذکور ولایت نینگ اجتماعی، اقتصادی و خوفسیزلیک وضعیتی قوشیمچه ولایت محلی اداره لری ایشی و فعالیتی باره‌سیده ریاست الوزراء اداری اورین باسرلیگی مقامیگه گزارش بیردی.
اونگه کوره، بو ولایت نینگ مسووللری و اسلام امیرلیگی مجاهدلری بوتون کوچ بیلن خدمت قیلیش، امنیت تامینله‌نیشی و اهالی آسایشته لیگی اوچون تلاش قیله دیلر و هیچ بیر سعی و تلاش نی دریغ ایتمه‌یدیلر.
شونینگدیک حرمتلی قاری احمد طیب تعلیم و تربیه، ساغلیقنی سقلش، قتناو یوللری، ترقیات لایحه‌لر جمله‌دت آمو دریا قیرغاغی مستحکمله‌نیشی بدخشان ولایتیده مخابرات خدماتی کینگه‌یتیریلیشی کبی موردلرگه اشاره قیلیب اسلام امیرلیگی نینگ مسووللریدن اوشبو موضوعلرگه خاص توجه قیلیشلرینی سوره‌دی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بدخشان ولایتی معاونی بیلن اوچره‌شگنیدن خورسندلیک قیلیب، امنیت تامینله‌نیشی، یشاوچیلرگه خدمت کورسه‌تیش، ایریم بولیملرده ایشلش، آسایشته‌لیک و اولرگه تورلی بولیملرگه آسانلیک یره‌تیش اسلام امیرلیگی وظیفه‌لریدن دیر و مسووللر بو توغریده هیچ قندی سعی و تلاش نی دریغ ایتمسلیگی کیره‌ک دیدی.
حرمتلی مولوی عبدالسلام حنفی بدخشان ولایتی والیسی تامانیدن بیلدیریلگن موضوعلرگه اشاره قیلیب، اسلام امیرلیگی اوزی نینگ بار امکانیتی بیلن تیلگه آلینگن موردلرگه اعتبار قره‌تیشی ممکن دیب قوشیمچه قیلدی.#
