افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون توشدن سونگ بغلان ولایتی والیسی حرمتلی مولوی عبدالرحمن حقانی بیلن اوچره‌شدی.
بو اوچره‌شووده، بیرینچیدن حرمتلی مولوی عبدالرحمن حقانی بغلان ولایتی نینگ اجتماعی، امنیتی و حکومت‌چیلیگی وضعیتی توغریسیده ریاست الوزراء اداری اورین باسریگه معلومات بیردی.
بغلان والیسی بو ولایت ده مجاهدلر همده اسلام امیرلیگی مسووللری هر دایم مردم نینگ خدمتیده بولیب امنیت تامینله‌نیشی و مردم تینچلیگی اوچون تلاش قیله‌دیلر دیدی.
شونینگدیک بغلان والیسی بغلان ولایتی خلقی نینگ ترقیات، ساغلیق خدمتلری، ایش فرصتلری و قوشنی مملکتلردن جبری چیقاریلگن مهاجرلر قیینچیلیگی تیر‌گلیشی خصوصیده‌گی ایستک شریک قیلیب، بو باره‌سیده اسلام امیرلیگی مسووللری توجه‌سینی ایسته‌دی.
کیینچه‌لیک حرمتلی مولوی عبدالسلام حنفی بغلان والیسی بیلن کوریشگنیدن خرسندلیک قیلیب، امنیت تامینله‌نیشی، مردم معماسینی تیرگش و قوشنی مملکتلردن جبری چیقاریلگن مهاجرلر حمایت ایتیش اسلام امیرلیگی مسوولیتلریدن دیب ایتدی.
ریاست الوزراء اداری اورین باسری بغلان والیسی آرقلی تیلگه آلینگن موردلر باره‌سیده ایشانچ بیریب، اسلام امیرلیگی مسووللری اوز کوچی و امکاناتیگه کوره بغلان مردمی قیینچیلیگی و ایستکلری اوچون لازم چاره تدبیر کوره‌دی دیدی.#
