افغانستان اسلام امیرلیگی ریاست الوزراء مقامی دفتری عمومی باشلیغی حرمتلی داکتر ملا عبدالواسع بوگون کیچ کابل شهری ۲۲ ناحیه سی جامع مسجدلری نینگ خطیب لری همده عالملری بیلن چهار چنار قصریده اوچره شدی.
دستلب، ریاست الوزراء مقامی دفتری نینگ سیاسی و مردمی ایشلر بوییچه باشلیغی شیخ محمود ذاکری ییغین ده گی عالملر همده خطیبلرنی خوش کیلیب سیزلر دیب ایتیشیچه، افغانستان اسلام امیرلیگیگه ییریک فخر دیرکه عالملر بیلن اوچره شه دی و اولرنینگ نظرلرینی ایشیتیب اسلام نظام ایشلری یخشیله نیشی اوچون اوندن فایده لنه دی.
اونگه کوره، اسلام نظام اوچون عالملر، مجاهدلر و شهامتلی ملتیمیز سناق سیز قربانلیک بیردیلر. حاضر مجاهدلر مملکت چیگره لری و پوسته لرینی حفاظت ایته دیلر و عالملر ایسه اسلام نظام نینگ فکری چیگره سینی مدافعه قیلیشی کیره ک، ملت نی نظام گه یقین و قانع ایتسینلر و دشمن نینگ برچه شبهه لریگه جواب بیرسینلر.
کیینچه لیک حاجی محمد یعقوب جامع مسجدی خطیبی مولوی عبدالباری اسلامی نظامنی حمایت قیلیش ده عالملر نقشی، ابوبکر صدیق جامع مسجدی خطیبی شیخ عبدالمتین معتصم بالله اسلامی امت بیرلیگی کوچه یشی راهکالری، اون اوچینچی ناحیه امام هادی مسجدی امامی حجت الله سردار سلطانی دینی و فرهنگی قدریتلر رواجله نیشی باره سیده عالملر مسوولیتی حقیده هر تامانلمه صحبت قیلدیلر.
اولرنینگ سوزلریگه کوره، عالملر اسلامی نظام و جامعه اورته سیده گی علاقه کوپریگی دیر و مردم نینگ ایستکلرینی مسووللرگه و مسووللر بویروغینی مردم گه ییتکزیشلری کیره ک. اسلامی نظام نی حمایت قیلیش اسلامی امارت گه لطف ایمس، عالملرنینگ دینی بورچی دیر.
شونینگ اولرنینگ ایتیشلریچه، دین اوشه سیاست دیرکه برچه پیامبرلر بشری جامعه ده شریعت تطبیق بولیشی اوچون مبعوث بولگنلر، لیکن شریعت نی نظام و حاکمیت سیز عملگه آشیریش ممکن ایمس.
ریاست الوزراء مقامی دفتری عمومی باشلیغی حرمتلی داکتر ملا عبدالواسع کابل ۲۲ ناحیه سی جامع مسجدلری عالملر و خطیب لری قوشیمچه مملکت عالملری و خطیب لری نینگ اسلامی نظامنی حمایت قیلیش ده گی تلاشلری و اسلام میرلیگی یوتوقلرینی قدرلب، اسلامی نظام پرچمی آستیده افغانلرنینگ مشترک اویی (ارگ) ده افغانستان مظلوم ملتی نینگ خیری اوچون بیر-بیراویمیزنینگ مصلحتیمیز بیلن قرار آلیشیمیزدن خرسندمن.
اونینگ قوشیمچه قیلیشیچه، اگر تاریخ گه باقه دیگن بولسک، افغانستانگه نابود قیلووچی تولقین کیلگن پیت ده، عالملر جهاد فتواسینی صادر قیلیب بونینگ برابریده تورگنلر افغانستان سر بلند ملتی و مجاهدلرنینگ سان سیز فداکارلیگی بیلن اشغالچیلر فتنه سی و شرور عناصر خنثی ایتیلگن حاضرگی حاکمیت و اسلامی نظام مستقرلیگی یخشی بیر نمونه دیر.
حرمتلی داکتر ملا عبدالواسع یوتوقلر، ملت و نظام اورته سیده علاقه مستحکمله نیشی اوچون علاملرنینگ نقشی و باقیشی، اینیقسه امین تامینله نیشی، مخدرماده نی ایکیش، ایشلب چیقاریش و قاچاق ایتیش نینگ آلدینی آلیش، معتادلر دواله نیشی، تجارلرنی بیر اره‌گه کیلتیربش، اداری فسادگه قرشی کوره ش، تدارکاتی روند اصلاحی، ییر غصب بولبشی نینگ آلدینی آلیش، ییریک رواجله نیش پروژه لر باشله نیشی و باشقه ساحه لرده به تفصیل گپیردی.
او حاضر عالملردن منبر آرقلی افغانستان اسلام امیرلیگی نینگ یوتوقلری و مزیت‌لر و حقیقیتلرنی ملت گه ییتکزیش نی سوره دی. ییغین حرمتلی مولوی عبدالغیاث دعاسی بیلن توگه دی.#
