افغانستان اسلام امیرلیگی ریاست الوزراء اقتصادي معاونی حرمتلی ملا عبدالغنی برادر بوگون لغمان ولایتی نینگ مرکزی مهترلام شهریده ۱۰ میگاواتلی قوّتگه ایگه قویاش برقی ایشلب چیقاریش لایحهسی نینگ ایش باشلنیش مراسمینی رسمی طرزده آچیب بیردی.
ملا برادر اوز نطقیده، بو لایحه نهفقط تازه و برقرار انرژی ایشلب چیقریش یولیدهگی مهم قدملردن بیری، بلکه اقلیم اوزگریشلریگه قرشی کورهش، اقتصادي رواجلنیش، ایش اورینلری یرهتیش و سرمایهلرنی جلب قیلیش ساحهلریده هم مهم اهمیت کسب ایتیشینی تأکیدلهدی.
اونینگ قوشیمچه قیلیشیچه، اسلام امیرلیگی برق انرژیسی ساحهسیده اوزینی-اوزی تأمینلش مقصدیده شو کبی مهم لایحهلرنی باشلب یوبارگن.
یقینده مملکت بویلب عمومي قوّتی ۲۲۸ میگاواتدن آرتیق بولگن برق لایحهلری اوچون شرطنامهلر امضالنگن، و بوگونگی لایحه هم اولر نینگ بیر قِسمی حسابلنهدی.
ملا برادر افغانستان حاضرده کوپ جهتدن آلیب کیلینگن برق انرژیسیگه باغلیقلیگینی و بو ایسه اسعار چیقیب کیتیشیگه سبب بولهیاتگنینی ایتیب اوتدی. شو باعث بوندهی لایحهلر مملکتنی استه-سیکین برق ساحهسیده مستقل حالگه کیلتیریشی ممکنلیگینی بیلدیردی.
عین حالده ریاست الوزراء اقتصادی اورین باسری حرمتلی ملا عبدالغنی برادر مملکت ده سرمایه یاتقیزیش و پروژلرنی باشلب توگهتیش اوچون امنیت نی مهم عامل دیب، سرمایه یاتقیزوچیلر بوتونلهی اسلام امیرلیگی حمایتی آستیده لر دیدی.
او، شونینگدیک، سرمایه یاتقیزوچیلرگه مملکتده خوفسیزلیک تأمینلنگنینی ایتیب، اولرنی اینیقسه برق ساحهسیده سرمایه کیریتیشگه چقیردی. اونگه کوره، اسلام امیرلیگی بو یونهلیشده کینگ امکانیتلر یرهتگن و هر تامانلهمه یاردم بیریشگه تیار.
وزیرلیکلر ارا سرمایه یاتقیزیش کمیتهسی ریاست الوزراء اقتصادی اورین باسرلیگی آستیده فعالیت قیلهدی و بو ایسه مملکت ده سرمایه یاتقیزیش پروسهسی قیسقریشی و سرمایه کیریاوچیلرگه لازم آسانلیک یرهتیش اوچون تلاش قیلهدی دیدی.
تأکیدلنیشیچه، لغمان ولایتی ۱۰ میگاوات قویاش برقی لایحه دایرهسیده خصوصي سکتور تامانیدن آلتی میلیون امریکه دالری مقداریده سرمایه کیریتیلگن بولیب، لایحه یکونلنگچ، لغمان ولایتی اهالیسی اوچون برق تأمیناتیدهگی معمالر بیر قدر حل بولیشی، صناعت فعالیتلری ابسه کینگهییشی کوتیلماقده.#