افغانستان اسلام امیرلیگی اقتصادي اورین‌باسری محترم ملا عبدالغنی برادر آخند بوگون توشدن کیین تاتارستان جمهوریتی نینگ باش وزیری اورین‌باسری و صناعت همده سودا وزیری جناب اولیک کوروبچینکو بیلن اوچره‌شدی او یوقاری درجه‌ده‌گی دولت هیئتسیگه باشچیلیک قیلیب، رسمي تشریف بیلن کابلگه کیلگن ایدی.
مذکور اوچره‌شوو ارگ سراییده بولیب اوتدی. اونده صناعت و سودا وزیرلیگی سرپرستی محترم نورالدین عزیزی همده باشقه بیر قنچه امیرلیک عملدارلری اشتراک ایتدیلر.
ریاست الوزراء اقتصادي اورین‌باسری محترم ملا عبدالغنی برادر آخند مهمان هیئتنی قوتلب، قوییده‌گیلرنی تأکیدله‌دی: مېن شونده‌ی بیر وقتده سیزلر بیلن اوچره‌شه‌یاتگنیمدن ممنونمن — بو افغانستان و روسيه فدراسیونسی اورته‌سیده‌گی دیپلوماتیک مناسبتلر ینگی باسقیچگه اوتگن دوردیر.
او روسيه فدراسیونسی نینگ اسلام امیرلیگینی رسماً تن آلگنلیگی اوچون منّتدارچیلیک بیلدیریب، بو تن آلیش منطقه و دنیا نینگ باشقه دولتلری اوچون ایشیک آچیب بیرگنینی تأکیدله‌دی. سیزلر نینگ تشریفلرینگیز کابل و قازان اورته‌سیده‌گی اقتصادي همکارلیک و اوزارا سودا نینگ کینگه‌ییشیگه مهم حصه قوشه‌دی، دیدی او.
محترم برادر شونینگدبک شونده‌ی دیدی: بیز تاتارستان همده روسيه فدراسیونسی نینگ برچه جمهوریت‌لری بیلن کینگ اقتصادي و سودا علاقه‌لر اورنه‌تیشنی ایسته‌یمیز. اسلام امیرلیگی بې‌طرف، موازنتلی و اقتصادگه یونه‌لتیریلگن سیاست یوریته‌دی. او چیت اېلّیک سرمایه‌دارلرنی تورلی ساحه‌لرده سرمایه کیریتیشگه چقیره‌دی و بو باره‌ده برچه دولتلر اوچون ایشیکلرینی آچگن.
او افغانستانده عمومي خوفسیزلیک تأمینلنگنینی و سرمایه کیریتیش اوچون قوله‌ی محیط موجودلیگینی تأکیدلب، تاتارستان جمهوریتینی اوشبو امکانیتدن فایده‌لنیب، نفت و گاز قزیب آلیش، همده اولرنی قَیته ایشلش زواد(فابریکه)لری قوریش بوییچه سرمایه کیریتیشگه دعوت ایتدی.
تاتارستان جمهوریتی باش وزیری اورین‌باسری و صناعت-سودا وزیری جناب اولیک کوروبچینکو افغانستانگه تشریفی اوچون خورسندچیلیک بیلدیرر ایکن، تاتارستان جمهوریتی جمهور رییسی نامیدن سلام و ایزگو تیلکلرنی اسلام امیرلیگی حکومتی نینگ اقتصادي اورین‌باسریگه ییتکزدی.
او شونده‌ی دیدی: ورسيه فدراسیونسی تامانیدن اسلام امیرلیگی تن آلینگنیدن سونگ، افغانستانگه رسمي تشریف بویورگن ایلک راسسيه وکیلی بولیشیم مین اوچون شرَفدیر. مینینگ همراهیمده کوپلب صناعت کمپنیلری رهبرلری و وکیللری بار، اولر تورلی امیرلیک اداره‌لری بیلن اوچره‌شوولر اوتکزماقچی.
اولیک کوروبچېنکو قوشیمچه قیلدی: «اوتگن اوچ ییل دوامیده تاتارستان و افغانستان اورته‌سیده تجارت علاقه‌لری موجود ایدی. ابندیلیکده ایسه ایکّی دولت اورته‌سیده‌گی سودا و اقتصادي مناسبتلر ینه‌ده کینگه‌ییشیگه امید قیله‌من.
اونینگ ایتیشیچه، «کماز» یوک مو‌ترلری ایشلب چیقریش، تیک اوچرلر، قوورلر ایشلب چیقریش کبی ساحه‌لرده فعالیت یوریتووچی تاتارستان کمپنیلری افغانستانده نفت و گاز قزیب آلیش، الکتر انرژیسی ایشلب چیقریش، سوو تأمیناتی، ترانسپورت واسطه‌لری ایشلب چیقریش و باشقه ساحه‌لرده سرمایه کیریتیشگه و همکارلیک قیلیشگه تیار.
او، شونینگدیک، اوز مملکتی افغانستانلیک طلبه‌لر اوچون نفت و گاز بوییچه بیلیم آلیش امکانیتینی یره‌تیشگه تیارلیگینی بیلدیردی. شونینگدبک، تاتارستان منطقوي باغلیقلیک و سودا حجمینی آشیریش باره‌سیده افغان تدبیرکارلری و سرمایه گذارلری بیلن همکارلیک قیلیشگه قیزیقیش بیلدیره‌یاتگنینی تأکیدله‌دی.
اوچره‌شوو یکونیده محترم ملا عبدالغنی برادر آخند تاتارستان جمهوریتی جمهور رییسی رستم منیخانوف گه صمیمي سلاملر و ابزگو تیلکلرینی ییتکزدی همده اونی ینه بیر بار افغانستانگه رسمي تشریف بیلن تکلیف قیلدی.#
