اسلامي امیرلیگی نینگ اداری اورین باسری حرمتلی مولوی عبدالسلام حنفی بوگون خلق‌ارا مهاجرت تشکیلاتی (Iom) اداره‌سی رهبری حرمتلی محمدعبدیکر و اونی کوزه‌تیب کیلگن هیئت بیلن اوچره‌شوو اوتکزدی.
مذکور اوچره‌شوو قَیتیب کبله‌یاتگن مهاجرلرگه انسانپرورلیک یاردملرینی کورسه‌تیش و خدمتلرنی یینگیللشتیریش مقصدیده بکلیب اوتدی. اونده Iom رهبری حرمتلی محمدعبدیکر افغانستان اسلامي امیرلیگی نینگ مهاجرلر مسأله‌سیده آلیب بارگن سعی-حرکتلرینی ایجابي بهاله‌دی.
شونینگدیک، او مهاجرلر بیلن ایشلاوچی عالي کمیسیون ترکیبیده‌گی مخصوص کمیته‌لر نینگ خدمت کورسه‌تیشده‌گی فعالیتلرینی و مهاجرلرگه انسانپرورلیک یاردمی کورسه‌تیش باره‌سیده‌گی حرکتلرینی آلقیشله‌دی. او Iom تشکیلاتی افغانستان اسلامي امیرلیگی نینگ یانیده توریب، مهاجرلرگه هر قنده‌ی یاردم و همکارلیک قیلیشگه تیار ابکنینی تأکیدله‌دی.
حرمتلی محمدعبدیکر مهاجرلر نینگ حقوقلرینی سقلش و تأمینلش یولیده قبول قیلووچی مملکتلر بیلن آلیب باریله‌یاتگن حرکتلرگه توخته‌لیب، Iom باشقه خلق‌ارا تشکیلاتلر بیلن همکارلیکده مهاجرلر نینگ کونیکمه‌لرینی انیقلب، اولر اوچون ایش ا‌ورینلری یره‌تیش و قوشیمچه یاردملر کورسه‌تیش اوستیده ایشله‌یاتگنینی بیلدیردی.
اوچره‌شوو دوامیده ریاست الوزراء اداری اورین حرمتلی مولوی عبدالسلام حنفی حرمتلی محمد ابدیقر و اونی کوزه‌تیب کیلگن هیئتنی قبول قیلگنیدن ممنونلیگینی بیلدیریب، Iom تشکیلاتی نینگ مهاجرلر معمالرینی حل ایتیش یولیده‌گی فداکارانه انسانپرورلیک یاردملری و همکارلیگینی یوقاری بهاله‌دی.
او شونینگدیک، قوشنی دولتلر تامانیدن افغان مهاجرلری نینگ چیقریلیشی کۉپوپه‌یگن بولسه-ده، حالت تولیق نظارت آستیده ایکنینی، و اسلامي امارت بو باره‌ده فعال حرکتلر آلیب باره‌یاتگنینی بیلدیردی.
مولوی عبدالسلام حنفی انسان ریسورسلری، چادرلر، ترانسپورت واسطه‌لری، انبارخانه‌لر و ضروري جهازلر نینگ کوپه‌یتیریلگنینی ابسله‌تیب اوتیب، اسلامي امارت امکان قدَر مهاجرلرگه یاردم بیریشدن چیکینمسلیگینی انیق ایتدی.
اوچره‌شوو یکونیده او مهاجرلر اوچون ایش ا‌ورینلری یره‌تیش ضرورلیگینی قید ایتدی و قبول قیلووچی دولتلر همده خلق‌ارا تشکیلاتلردن مهاجرلر نینگ حقوقلرینی حمایه قیلیشگه جدّی اعتبار ببریشلرینی سوردی.#
