افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند کابلده صنعت هفته‌لیگی نینگ تورتینچی ملي و خلق ارا کورگزمه‌سینی طنطنه‌لی روشده آچیب بیردی. مذکور کورگزمه بوگون کابلده‌گی افغانستان خلق ارا کورگزمه‌لر مرکزیده آچیلدی.
حرمتلی ملا عبدالغنی برادر آخند صنعتنی هر بیر ملت ترقیاتی نینگ اساسی دیب اته‌دی و شونده‌ی دیدی، بوگون بیز صنعت انقلابی برکه‌سی بیلن اوز آستقورمه‌لرینی مستحکملب، ایشسیزلیککه برهم بیرگن و اوز محصولاتلری اوچون یخشی بازارلر تاپگن دولتلر نینگ گواهی بوله یپمیز.
او ینه، صنعت هفته‌لیگی فقط رمزي نام ایمس، بلکه بو حرکت، اوزگریش و قطعي اراده نینگ افاده‌سی دیر دیب تاکیدله دی. بیز واردات گه تیه‌نه‌دیگن اقتصاددن ایشلب چیقرووچی صادر قیلووچی و آیاققه تورگن مستقل اقتصادیاتگه اوتیشیمیز کیره‌ک.
ریاست الوزراء اقتصادی اورین باسری، اسلام امیرلیگی حاکمیت تیپه‌سیگه کیلگنیدن بیری صنعت سکتوری سیزیلرلی درجه‌ده رواجلنگن و بوگونگی کونگچه تخمیناً ۱۵۰۰ ته ینگی فابریکه تشکیل ایتیلگن بولیب، بو آرقه‌لی قریب ۷۰ مینگ فقراگه دایمي ایش اورنی یره‌تیلگن. بوگونگی کونده افغانستان ۱۳۸ ته صنعت و ایشلب چیقریش ساحه‌لریده اوزینی تأمینله‌یدیگن مستقل حالتگه ییتگن. بو یوتوق نه‌فقط ایشسیزلیکنی کمه‌یتیریش یولیده مهم قدم حسابلنه‌دی، بلکه اقتصادي برقرارلیک و کوچه‌ییش اوچون هم اساسي اهمیتگه ایگه.
حرمتلی ملا برادرنینگ ایتیشیچه، اسلام امیرلیگی مملکتنی صنعتلشتیریش مقصدیده تورلی ولایتلرده صنعت حدودلری پارکلر برپا ایتیشگه اوستوار اهمیت بیرگن. یقین کونلرده اوشبو صناعت حدودلریده ییر ملکی حجتلری صنعتچیلرگه تاپشیریلیشی کوتیلماقده. بو صنعت حدودلری نه‌فقط ایشلب چیقریش اوچون محیط یره‌ته‌دی، بلکه ینه اون مینگلب کیشیلرنی ایش بیلن تأمینلش امکانینی بیره‌دی.
حرمتلی ملا برادر آخند، ایچکی ایشلب چیقریشنی قوللب-قوّتلش مقصدیده، اسلام امیرلیگی مملکت ایچیده ایشلب چیقریلیشی ممکن بولگن محصولاتلرگه رقابتچی بولگن وارد قیلینه دیگن تاو‌رلریگه گمرکی تعرفه نی آشیرگن. شونینگدېک، برچه دولت اداره‌لریگه اوز خرید و تأمینات جریانلریده محلي محصولاتلرگه اولویت بیریش تاپشیریلگن، حتا که اولر نینگ صفتی خارجي محصولاتلردن بیرآز پست بولسه هم.
صنعت هفته‌سی تورتینچی ملی و خلق ارا کورگزمه آچیلیش مراسمیده اقتصادي اورین باسری شونینگدیک، اسلام امیرلیگی حاکمیتگه کیلگچ، مملکتده سرمایه گذارلر اوچون قوله‌ی محیط یره‌تیلگن. بوگونگی کونده الکتر انرژیسی، کانچیلیک، زراعت، صنعت، ترانسپورت، زیربنا، مخابرات، ساغلیقنی سقلش و باشقه کوپلب سکتورلرده ایچکی و خارجي سرمایه یاتقیروچیلر فعالیت یوریتماقده همده اولر اوچون کینگ قوله‌یلیکلر تقدیم یره تیلگن.
حرمتلی ملا جنابلری صنعتچیلرنی مملکت اقتصادیاتی نینگ اساسي کوچی دیب اته‌دی و اولر نینگ محنتلری همده سرمایه گذارلیک‌لرینی قدردانلیک قیلدی.
ریاست الوزراء اقتصادی اورین باسری مملکت صنعتچیلریگه خطالب قیلیب ایتیشیچه، سیزلر اوز محصولاتلرینگیزده صفت، نرخ و حجم بوییچه کفالت بیرسنگیز، مین سیزلرگه منه شو منبردن وعده بیره‌من اوزیمیزده ایشلب چیقریلیشی تأمینلنگن درجه‌ده‌گی واردات محصولاتلریگه گمرکی تعرفه نی آشیره‌میز.
صنعت هفته‌لیگی نینگ تورتینچی ملي و خلق ارا کورگزمه‌سی مملکت ایچکی صنعتی نینگ امکانیتلری، صلاحیتی و یوتوقلرینی نمایش ایتیش مقصدیده تشکیل ایتیلگن. اوشبو کوزگرمه ده یوزلب ایچکی شرکت لر آزیق-طعام، دارو-درمان، سوت محصولاتلری، قوریلیش ماتریاللری، قول صنعتی، قالین، پلاستیک، بتری‌لر ایشلب چیقریش، تیمیر ایریتیش و ینه اونلب ساحه‌لرده‌گی صناعت محصولاتلری همده زراعت محصولاتلرینی نمایش ایتیشماقده. مذکور کورگزمه بیر هفته دوام ایته‌دی.
