افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر اقتصادی همکارلیکلر تشکیلاتی باشلیغلری (ایکو)نینگ اون ییتینچی ییغینیده اشتراک قیلیش مقصدیده آذربایجانگه بولگن سفری جریانیده بوگون بو مملکت باش وزیری علی اسدوف جنابلری بیلن کوریشدی.
باکو شهریده اوتکزیلگن بو اوچره شووده هر ایکی تامان سیاسی، اقتصادی، تجاری و ترانزیتی علاقه لر افغانستان و آذربیاجیان اورته سیده کینگشی باره سیده گپیریشدیلر.
حرمتلی ملا عبدالغنی برادر آخند افغانستان اسلام امیرلیگی هیاتی نینگ آذربایجان جمهوریتی آرقلی اکو اون ییتینچی ییغینیده اشتراک قیلیشی اوچون چقیریلگنی همده قیزیق کوتیب آلینگنی اوچون تشکرلیک قیلدی.
ریاست الوزراء اقتصادی اورین باسری هر ایکی مملکت اورته سیده سیاسی علاقه لر کینگیشی مقصدیده، باکو ده افغانستان ایلچیلیگی دیپلوماتیک حضوری کوتریلیشی و اسلام امیرلیگی ایلچیسی آذربایجان دولتی تامانیدن قبول قیلینیشین ایسته دی.
حرمتلی ملا صاحب آذربایجان دن نفت وگاز قازیب چیقاریلیشی، تیمیر یول ترماغی کینگی تیریلیشی، قویاش دن برق ایشلب چیقیاریش کبی ساحه لرده افغانستان گه سرمایه آلیب کیریشی و تجربه لرینی افغانلر بیلن شریک قیلیش نی ایسته دی.
شونینگدیک حرمتلی ملا صاحب آذربایجان تامانیدن ایکینچلیک مکانیزه بولیشی، سوو باشقریلیشی، آسان خدمت برنامه سی تطبیقی، ماین تازه لش و حرفه وی تعلیم بوییچه افغانلرگه همکارلیک قیلیب اوز تجربه لرینی شریک قیلیشلرینی طلب قیلدی.
بو اوچره شووده، حرمتلی ملا عبدالغنی برادر آخند لاجورد کریدوری فعال توریشی و بو یولده گی قیینچیلیک حل بولیشی باره سیده تاکیدلب ایتیشیچه، اسلام امیرلیگی اقتصادیگه یونلتیریلگن سیاسی اساسیده منطقه وی باغله نیش گه ایشانه دی و لاجورد کریدوری افغانستان و منطقه مملکت لر اورته سیده تجارت و ترانزیت میزانی آشیشی اوچون کوپ مهم دیر.
جناب علی اسدوف آذربایجان باش وزیری افغانستان اسلام امیرلیگی اقتصادی اورین باسری بیلن اوچره شووده، افغانستان قدیمی و بای فرهنگ گه ایگه بیر مملکت دیر. اونگه کوره، افغانستان و آذربایجان ملتی دینی، مذهبی، تاریخی و فرهنگی لحاظ دن کوپ یقینلیگی بار و آذربایجان خلقی نینگ حرمتی افغانلرگه تقدیرگه سزاوېار دیر.
آذربایجان باش وزیری نینگ تاکیدله شیچه، مملکتی اکور همکارلیک تشکیلاتی آرقلی ایکی و اوچ تامانلمه همکارلیکلر افغانستان بیلن تورلی ساحه لرده کینگیتیریش نی خواهله یدی.
اونگه کوره، بیزلر هر دایم افغانستان بیلن همکارلیک قیلیش ده تلاش قیلگن میز و بو تلاشلر دوام ایته دی. افغانستاننی اقتصادی لحاظدن تیز آلغه کیتیشی قووانرلی دیر و بیزلر تجارت، سرمایه گذارلیک و اقتصادی همکارلیکلر بوییچه مشترک ایشلش ده دوام بیره میز.
شونینگدیک اسدوف جنابلری نینگ قوشیمچه قیلیشیچه، هر ایکی مملکت اورته سیده اقتصادی همکارلیکلرنی کینگیتیریش اوچون، اقتصادی کمیسیون قیته دن فعال بولیشی کیره ک. او شونینگدیک لاجورد کردوری بولرنینگ اولویتلریدن حسابلنه دی و بو توغریده علاقه سی بولگن مملکتلر ترانسپورت وزیرلیکلرنینگ آلگن قرارلریگه متعهد میز دیدی.
او عین حالده افغانستان، آذربایجان و اوزبکستان اورته سیده ایش گروهی فعال بولگن بونینگ بیرینچی ییغینی کابل ده بولیب اوتدی و کیینگی ییغین تیزلیک ده اوزبیکستان ده اوتکزیلیشی کوتیله دی. او، بو ییرده مشترک مساله لر بوییچه کوپراق بحث قیلینیشینی تیلگه آلدی.
آذربایجان باش وزیری کانلرنی قازیب چیقاریش، انرژی، سوونی باشقریش، ایکینچلیک مکانیزه بولیشی و تیمیر یول کینگیی تیریلیشی خصوصیده افغانستان گه همکارلیک قیلیش و سرمایه آلیب کیریش یاینده تجربه لرینی شریک قیلیشنی اعلام قیلدی.
شونینگدیک، او افغانستان تاش کومری بو مملکت آرقلی تورکیه گه آلیب اوتیلیشیده اوز حمایتینی اعلان قیلدی.
علی اسدوف جنابلری افغان تاجرلریگه ویزه آسانلشتیریلیشی، افغان محصللریگه تحصیلی بورسیه لر بیریلیشی، قابلیت نی آشیریش برنامه لر اوتکزیلیشی و آذربایجان ده قماقده سقلنه دیگن افغان مهاجرلر دوسیه سی حلی اوچون همکارلیک بوله دی دیدی.
یکونده، هر ایکی تامان بو اوچره شوونی افغانستان و آذربایجان اورته سیده سیاسی و اقتصادی علاقه لرنی تیکلش اوچونی یخشی فرصت دیب تذکر ایتیلگن بولیملرده عملی تلاشلر باشله نیشی تاکیدلندی.#
