افغانستان اسلام امیرلیگی سیاسي اورین باسری حرمتلی مولوی عبدالکبیر یوناما نینگ افغانستان بوییچه رهبری روزا اتنبایوا و هیئت بیلن اوچره‌شدی.
بو اوچره‌شووده افغانستان بوییچه دوحه اوچینچی ییغیلیشیده ایریشیلگن یوتوقلر و خلق‌ارا همجعمیت نینگ اسلام امیرلیگی بیلن علاقه‌لری بحث قیلیندی.
روزا اتنبایوا خانم نینگ ایتیشیچه، دوحه‌ده‌گی سونگگی ییغیلیش قرارلری اساسیده افغانستان نینگ خصوصي و بانک سکتورینی قوللب-قوّتلش همده مخدر مادّه‌لرگه قرشی کوره‌ش بوییچه ایکّیته علیحده کمیته تشکیل ایتیلماقده.
اونینگ توشونتیریشیچه، اَیریم رواجلنگن دولتلر افغانستان نینگ خصوصي و بانک سکتورلری همده مخدر ماده گه قرشی کوره‌ش کمیته‌لرینی باشقریشگه قیزیقیش بیلدیرماقده.
اتنبایوا خانم نینگ قوشیمچه قیلیشیچه، اسلام امیرلیگی و خلق‌ارا همجمعیت اورته‌سیده‌گی عالي درجه‌ده‌گی مذاکره‌لر مناسبتلر نینگ تیکلنیشیگه آلیب کیلیشی ممکن، اسلام امیرلیگی بیلن علاقه‌لر هم غرب همجمعیتی نینگ التماسی.
اتنبایوا خانم افغانستان نینگ شمالي ولایتلریگه قیلگن سفرینی ایسلب، افغانستان نینگ چېکّه حدودلریده تولیق تینچلیک حکم سوره‌یاتگنینی ایتدی. اونینگ قوشیمچه قیلیشیچه، بیرلشگن ملتلر تشکیلاتی نینگ افغانستانگه یاردم کورسه‌تیش افغانستان نینگ برچه ولایتلریده فایده‌لنیش امکانیتینی تامینلشگه حرکت قیلماقده.
کیینراق ریاست الوزراء سیاسي اورین باسری، محترم مولوی عبدالکبیر سوزگه چیقیب، یونامانینگ افغانستانده‌گی ماموریتی و اولر نینگ افغانلرگه کورسه‌ته‌یاتگن یاردمینی یوقاری بهاله‌دی.
محترم مولوی عبدالکبیر سونگگی اوچ ییل ایچیده افغانلر نینگ کوپلب معمالری اسلام امیرلیگی تامانیدن حل ابتیلگنینی ایتدی. شونینگدېک، اهالیگه مناسب خدمت کورسه‌تیش، تورموش شرایطینی یخشیلش بوییچه هم ایزچیل ایشلر عملگه آشیریلماقده.
سیاسي اورین‌باسری مولوی عبدالکبیر اوز نطقی نینگ سونگگیده اسلام امیرلیگی ایجابي مناسبتلرگه اوستوار اهمیت بیریشینی، چونکه اسلام امیرلیگی دنیا بیلن اوزارا علاقه‌ده بولیشنی خواهلشینی توشونتیردی.#
