ریاست الوزرا سیاسي اۉرین باسری و کفیلی‌نینگ خلق ارا مهاجرت کونی مناسبتیده‌گی پیغامی
30- جوزا، 1402 هـ.ش.
ٱلَّذِينَ ءَامَنُواْ وَهَاجَرُواْ وَجَٰهَدُواْ فِى سَبِيلِ ٱللَّهِ بِأَمْوَٰلِهِمْ وَأَنفُسِهِمْ أَعْظَمُ دَرَجَةً عِندَ ٱللَّهِ ۚ وَأُوْلَٰٓئِكَ هُمُ ٱلْفَآئِزُونَ
صدق الله العظیم
هجرت پیغمبرلر سنتلریدن‌دیر، جوده کۉپ پیغمبرلر ظلم، ناروالیک و عدالتسیزلیک سببی ایله هجرت قیلگنلر. بیزنینگ پیغمبریمیز حضرت محمد (ص)نینگ صحابه‌لری هم بیرینچی قدمده مکۀ مکرمه‌دن حبشه‌گه و اوندن کېین اېسه جوده کۉپ صحابه‌لر مشرکلر قۉلیدن نجات تاپیش مقصدیده مکۀ معظمه‌دن مدینۀ منوره‌گه هجرت قیلدیلر، شونینگ اوچون هم الله تعالی مذکور مهاجرلرگه اولکن اجرلر وعده‌بېردی.
شونگه اۉخشش، اۉتگن نېچه اۉن ییللیک مابینیده مملکتده‌گی موجود ظلم، استبداد، اوروش، قیینچیلیکلر و دشمنلرنینگ هجوم قیلیشلری سببلی بیر قطار اۉلکه‌داشلریمیز مملکتنی ترک اېتیب، حالیگچه هم قۉشنی اۉلکه‌لر شامل بیر قطار تشقی مملکتلرده یشب کېلماقده‌لر و بیز مذکور دولتلرنینگ اوزاق مدتلی مهمان‌پرورلیگیدن منتدارچیلیک بیلدیره‌میز.
خوشبختانه، افغانستانده اسلام امیرلیگی قدرتگه کېلیب مملکت‌نینگ برچه نقطه‌لریده خوفسیزلیک تأمینلـَنیشی بیلن اسلام امیرلیگی‌نینگ مسووللری افغان مهاجرلر مملکتگه قـَیتیب کېلیشلری اوچون شرایط یره‌تیشگه اورینماقده؛ شو سببدن هم بیر قطار مهاجرلر مملکتگه قـَیتگنلر. قـَیتیب کېلگن مهاجرلر اوچون اسلام امیرلیگی و انسان‌سېورلیک نهادلر تامانیدن یاردملر قیلینیب، اولرگه ایش شرایطی یره‌تیب بېریلدی.
حالیگچه مملکتگه قـَیتمه‌گن و تشقی اۉلکه‌لرده یشب کېله‌یاتگن بیر قطار اۉلکه‌لریمیز بیلن مېزبان دولتلر یخشی معامله‌ده بۉلیشلری همده مذکور دولتلردن مهاجرت خلق ارا قانونلری یارقینلیگیده اولرگه تیریکچیلیک شرایطینی یره‌تیشلرینی سۉره‌یمیز.
شو مناسبت بیلن، مهاجرت خلق ارا اداره‌سیدن سابق حکومتلر دَوریده مملکت ایچکریسی و تشقی مملکتلرگه مهاجرت قیلیشگه مجبور بۉلگن افغان مهاجرلرنینگ یششی بۉییچه دقت قیلیشینی طلب قیله‌میز، البته که بو ایش اسلام امیرلیگی بیلن همکارلیکنی کوچه‌یتیره‌دی.
خوشبختانه، افغانستانده خوفسیزلیک تأمینلـَنیشی بیلن حقدار اۉز حقیگه اېریشدی، هیچ کیم مهاجرت قیلیشگه جبرلنمه‌یدی؛ اسلام امیرلیگی و افغانستان برچه خلقی بونده‌ی بهانه‌لر بیلن مملکتنی ترک اېتکن کیشیلرنینگ خاطر جمعلیک بیلن اۉلکه‌گه قـَیتیب کېلیشلرینی سۉره‌یدی.
افغانستان اسلام امیرلیگی مهاجرلرنینگ مملکتگه قـَیتیب کېلیش یۉللرینی برابرلش و اولرگه کېره‌کلی قوله‌یلیکلر یره‌تیشنی ایسته‌یدی. اسلام امیرلیگی، آدم سوداسی بیلن شغللنه‌یاتگن کیشیلر و انسانلرنینگ حیاتینی تهدید آستیگه قۉیه‌دیگنلرنینگ جدي روشده آلدینی آلیشی بیلن بیرگه اولر بیلن اسلام شریعتی یارقینلیگیده حساب کۉره‌دی.
ریاست الوزرا سیاسي اۉرین باسری و کفیلی
مولوي عبدالکبیر
