شیخ مولوی محمدخان اوغلی و مولانا صاحب خدای رحیم نینگ نبیره‌سی شیخ الحدیث مولوی هبة الله آخند زاده هـ ق ۱۳۸۷- ییل رجب المرجب آیی نینگ ۱۵-سی آیی قندهار ولایتی پنجوایی اولسواللیگی نینگ ناخونی قیشلاغیده علمی و متدین بیر عایله‌ده دنیاگه کیلگن و حیات نینگ بیرینچی باسقیچینی والدصاحب نینگ تربیتی آستیده اوتکزدی.
عایله:
شیخ صاحب نینگ علمی عایله‌سی یوز ییللردن بیری علم، فضیلت و تقوا بیلن تانیلگن دیر.
اونینگ عایله‌سی اصلی مسکنی قندهار ولایتی جنوب غربیده‌گی تخت پل اولسواللیگی دیر و کیینچه لیک قندهار ولایتی نینگ پنجوایی اولسواللیگیگه کوچیب کیلگن و شیخ هبة الله آخند زاده صاحب پنجوایی اولسواللیگی نینگ ناخونی قیشلاغیده توغیلگن.
آته‌لری شیخ مولوی صاحب محمدخان زمانداش عالملری ایچیده علمی و فقهی لحاظدن همه دن کوره تانیلگن شخصیت بولگن و اوزی نینگ جامعه‌سیده خاص علمی و اجتماعی اعتبارگه ایگه بولگن.
او، بیر دین عالمی صفتیده منطقه‌سی مردمی نینگ اصلاحی و دینی تعلیمی اوچون خاص رولی بولگن، اوز محیط و ماحولیده تدریس، تبلیغ، دعوت و اصلاح کبی وظیفه‌نی ایلگری آلیب بارردی و دینگه خدمت قیلیش و اونی دفاع ایتیش یولیده کوپینچه علمی شاگردلرنی تربیه ایتگن.
قویاش ۱۳۵۷- ییل، نورمحمد ترکی رهبرلیگیده بولگن کمونستلر کودتا قیلیب سیاسی اقتدارنی قولگه آلدیلر، شیخ مولوی صاحب محمدخان بیرینچی جهادی عالملر جمله‌سیدن دیرکه کمونستلر و اولرنینگ الحادی حاکمیتلری برابریده قیام قیلدی و آلدین شیخ صاحب نینگ تعلیمات و دعوتیدن متاثر بولگن منطقه یشاوچیلری مذکور جهادی قیام ده اونینگ یانیده توردیلر.
ملحد کمونستلر بو ایشنی اوزلری نینگ ینگی حکمرانلیکلری برابریده بیر تهدید بیلیب، منطقوی و جهادی قیام نینگ اصلی محرکی شیخ صاحب محمدخان نی اورته دن یوق ایتیش فکریگه توشه دیلر.
الحادی حکومت نینگ امنیتی کوچلری شیخ صاحب نی اوشلش و اسارتگه آلیش اوچون اونینگ اویی همده مدرسه سیگه هجوم قیله دیلر، لیکن شیخ صاحب نی الله تعالی قوتقردی و اونینگ قولگه آلمس دن آلدین، شیخ صاحب قندهار ولایتی نینگ ریگ منطقه سیگه مهاجر بوله‌دی و او ییرده باشقه بیر قنچه مجاهدلرنینگ همکارلیگی بیلن کمونستلر برابریده مبارزه‌نی باشله دی.
قندهار ولایتیده جهاد مقاومتی کینگه‌یشی و استه – سیکین موفقیتلردن سونگ، شیخ صاحب محمدخان مردمی یشب کیله دیگن منطقه گه قیتیب کیلدی و حیاتی نینگ یکونیگه قدر اوزی نینگ علمی و جهادی خذمتلریگه دوام بیردی.
شیخ هبة الله آخندزاده آته‌لری وفات قیلگن سونگ شوروی اشغالچیلری نینگ منطقه ده گی ظلمی نتیجه‌سیده باشقه مینگلب وطنداشلری بیلن بیرگه لیکده اوی و قیشلاقلرینی ترک ایتیب قوشنی مملکت پاکستانگه مهاجر بولدیلر و بلوچستان چیگره ایالتیده پیرعلی زی جنگل کمپیده باشقه وطنداشلری یانیده مملکت ده اسلامی نظام حاکمیتی و آزادلیک اوچون هجرت نینگ قیین و اچیق لحظه‌لرینی قبول قیلدی.
دینی تعلیماتلر:
شیخ هبة الله صاحب اوزی نینگ عایله‌سیده‌گی اوغیل فرزندلر ایچیده، ایکینچی فرزند دیرکه دینی علوم تعلیماتینی والدصاحب آلدیده باشله‌گن و قرآن کریم متوسه قرائت دوره لرینی، اولیات فقهی، صرف، نحو، ادب، عربی، معانی و اصول الفقه نی والد صاحب آلدیده اورگنه‌دی.
بوندن سونگ شرعی یوکسک تحصیلات اوچون منطقه نینگ تانیقلی مدرسه‌سی و جامعاتلریگه یوز کیلتیردی او.
او ییرده رواج بولگن برچه فنون و علملرنی بیتتیردی هـ ق ۱۴۱۱- ییلده حدیث نهایی دوره‌سینی شیخ الحدیث مولوی محمدجان آغا صاحب و شیخ الحدیث مولوی حبیب الله صاحب بیلن بیرگه لیک ده توگتدی و شرعی یوکسک تحصیلاتنی بیتتیرگندن کیین فضیلت دستارینی باشیگه کیدی.
جهاد و سیاسی مبارزه:
شیخ صاحب دینی تحصیلات نینگ سونگی مرحله‌سیده بولگن چاغیده، اشغالچی شوروی برابریده‌گی قوراللی مقاومت سنگری جوده قیزیگن ایدی.
بو شوندی بیر زمان ایدی که هر بیر افغان اینیقسه علمی عایله‌لر و بونگه تیگیشلی یاش حلقه‌لر اشغالچی شوروی و ایچکی کمونستلرگه قرشی جهاد جبهه‌لریگه جهاد قیلیش تویغولری جوده کوپ بولگن ایدی.
شیخ هبة الله صاحب اصلیده علمی و جهادی بیر عایله‌گه تیگیشلی دیر، باشقه هر کیمگه کوره شوروی و ایچکی کمونستلرگه قرشی جهادی و فکری مقابله قیلیش اوچون قیزیقیشی کوپ بولگن. او اوزی نینگ تعلیم و تحصیلی جریانیده هم جبهه لرگه باریش مقصدیده تقسم اوقات ترتیب بیرگن ایدی.
او مدرسه نینگ ییللیک رخصت چاغیده قندهار ولایتی نینگ تانیلگن قوماندانلریدن ملا حاجی محمد آخند جبهه سیگه بارردی و او ییرده عملده شوروی اشغالچیلری برابریده جهادی مقاومت گه سهم آلردی.
ملا حاجی محمد آخند جبهه‌سی مملکت جنوب غربی بویلب تانیلگن جبهه‌لردن ایدی بونگه شهید امیرالمؤمنین ملا اختر محمد "منصور" شامل افغانستان اسلام امیرلیگی نینگ باش وزیری الحاج ملا محمد حسن آخند طالبلرنینگ مهم مسووللری و باشقه بیر قطار مسووللری شامل بولگنلر.
مذکور جبهه‌لر دستلب رحمتلی مولوی محمد نبی «محمدی» قیادتی آستیده گی اسلامی انقلاب حرکتیگه تیگیشلی بولگن و کیینچه‌لیک مولوی محمد یونس «خالص» قیاتی آستیده گی اسلام حزبی گه تعلقلی بولگن.
شیخ هبة الله صاحب اوشبو جبهه نینگ مهم بیر شخصیتلریدن ایدی جبهه اعضالری و مجاهدلر آره سیده ییریک جهادی و علمی اورین گه ایگه ایدی.
او شوروی اشغالچیلریگه قرشی کوره‌ش جریانیده اسلام امیرلیگی نینگ هر ایکی زعیمی رحمتلی امیرالمؤمنین ملامحمد عمر"مجاهد" و شهید امیرالمؤمنین ملا اختر محمد "منصور" بیلن بیرگه‌لیکده مجاهدلرنینگ حربی مرکزلریگه سهم آلیب و بیر مرته یره لنگن دیر.
شیخ صاحب جهادی جبهه لرده اشتراک قیلگن چاغلریده بو موضوع گه کوپراق تمرکز ایتردی که مجاهدلر الحاد و باشقه باطل تفکرلر برابریده علمی و فکری قره‌شدن تربیه بولیشلری کیره‌ک، چونکه ملحد کمونستلر و اولرنینگ حمایتچیسی بولمیش سابق شوروی مملکتیمیز اوستیگه حربی تجاور قیلگنی یانیده، فکری تجاوز هم ایتگن و کوپینچه حاللرده حربی تجاوزگه کوره فکری تجاوزگه قرشی مقابله قیلیش جوده مهم دیب تاکیدله‌گن.
شونینگ اوچون هم شیخ صاحب هم جبهه ده و هم مدرسه ده مجاهدلرنینگ فکری تربیه له‌نیشی توغریسیده کوپ اهمیت بیرگن و بو خصوصده اوشه زمانده سیزیلرلی درجه ده فعالیتلر آلیب بارگن.
شرعی علوملر بوییچه درسی یوکسکلیک:
شیخ صاحب هبة الله شرعی علوملر اینیقسه فقهی، اصول الفقه، تفسیر و حدیثلرنی تدریس ایتیش ده اوزیگه خاص استعدادی بار.
او هـ ق ۱۴۱۱- ییل ده فراغت دن سونگ اسلام امیرلیگی زعیمی صفتیده تعیین بولگونگه قدر، باشقه جهادی و وظیفوی مصروفیتلری یانیده، مذکور علوملرنی تدریس ایتیشده دوام بیردی و کوپینچه شاگردلرنی بو بولیمده تربیه‌لب ییتکزدی.
اونگه اعطا ایتیلگن شیخ لیک لقبی بو دیر که صحاح سته و اصول الحدیث نی تدریس ایتیش ده علمیتی یوقاری بولگن و اونینگ حدیث تدریس ایتیش حجتی شیخ الحدیث مولوی محمدجان آغا صاحب و شیخ الحدیث مولوی حبیب الله صاحب آرقلی رسول اکرم صلی الله علیه و سلم حجتیگه باریب قوشیله‌دی.
طالبان اسلامی تحریکی نینگ تاسیس ایتیلیشیده اونینگ نقشی:
اشغالچی شورویلر افغانستان دن چیقاریلگندن سونگ کمونیستی نظام سقوط قیلگونچه که مملکت ده تنظیمی اوروشلر بالشندی، شیخ صاحب هبة الله جبهه نینگ باشقه اعضالری کبی اوروش و جنجاللردن اوزاق ده اوزی نینگ علمی و اصلاحی فعالیتلری بیلن مصروف بولدی.
قندهار ولایتی تنظیمی اوروشلر میدانیگه ایلنگنیگه قره‌مه‌ی و سابق جهادی تنظیملرنینگ کوپینچه قوماندانلری بو اوروش گه اره لشدیر، لیکن شیخ صاحب جهادی جبهه و علمی بیر مربی و استاد صفتیده منه شو تنظیمی اوروشلرنینگ باشله‌نیشیدن اوزی نینگ علمی و اصلاحی فعالیتلریگه یوز کیلتیردی.
طالبان اسلامی تحریکی رحمتلی ملا محمد عمر مجاهد قیاتی آستیده تنظیمی اوروشلر و فسادگه قرشی تاسیس بولگنده، شیخ صاحب هبة الله بو تحریک اساسچیسی نینگ بیر دوستی اوله‌راق تحریک باشله‌نیشیدن اونینگ یانیده توردی.
طالبان اسلامی تحریکی جنوب غرب حوزه‌سیده رواجلنگندن سونگ تحریک رهبریتی تامانیدن اداری تشکیلات ایجاد بولیشی دوامیده، حربی محکمه اداره‌سی قندهار ولایتیده ایجاد قیلیندی.
مذکور محکمه ده علمی و مسلکی آدملر ییغیلدیلر، شیخ صاحب هبة الله اولرنینگ جمله‌سیدن دیرکه اونی تحریک رهبریتی یخشی علمیت، فقاهت و تقوی یوزه‌سیدن تانیردی.
حربی محکمه باشلیغی حیثیده:
قویاش ۱۹۹۶- ییل کابل اسلام امیرلیگی کوچلری آرقلی تصروف ایتیلدی، شیخ صاحب رحمتلی امیرالمومنین ملا محمد عمر مجاهدنینگ خاص فرمانی اساسیده کابل ده حربی محکمه نینگ باشلیغی صفتیده تعیینلندی.
کابل حربی محکمه سیده نظم ایجاد قیلینیشی و بو اداره گه مطلوب اوزگریشلر آلیب کیلینگنیدن سونگ، شرق زونیده حربی محکمه مسوولیتی شیخ صاحب گه تاپشیریلدی.
ننگرهار ولایتی بولمیش شرق زونیده مذکور محکمه‌گه تیگیشلی بولیملرگه نظم و ترتیب ایجاد بولیشی و ایککی ییللیک فعالیتدن کیین، امیر المؤمنین ملامحمد عمر"مجاهد" حکمی اساسیده قیته دن کابل گه کیلدی و اسلام امیرلیگی نینگ بیرینچی دوریده حاکمیت نینگ سونگیگه قدر حربی محکمه مسوولی حیثیده قالدی.
نیگه حربی محکمه مسوولی؟
اسلام امیرلیگی حاکمیتی نینگ اینگ کته امتیازی افغانستانده امنیت تامینلنگنی ایدی.
اسلام امیرلیگی حاکمیتی زمانیده امنیت تامینله نیشی آچیق بیر حقیقت ایدی و دشمنلر هم بونی اعتراف قیلگن ایدی.
الله حدودی نینگ تنفیذی امنیت تامینله نیش ده نظام ده باشقه اصلاحاتلر یانیده، خاص تاثیری بار ایدی.
اسلام امیرلیگی برچه تیزیمی و اونینگ اداری، امنیتی، قضایی و عدلی مسووللر ایش و تجربه نطقه نظردن بوتونله ی ینگی امنیتی امکانیتلرگه محرم ایدیلر، لیکن ییگیرمه اوروش دوام ایتگن مملکت ده یالغوز منه شو شرعی حدود تنفیذی ایدیکه شوندی امنیت تامینلدیکه بونی ایسه دوست دوشمن اوزی اعتراف قیلدی.
شرعی حدود خدانینگ زمنیده اوشه زمانده امنیت تامینله نیشیگه باعث بولگن بولردی بونینگ تنفیذی ایسه شرعی حکم اساسیده ایدی. شونینگ اوچون هم اسلام امیرلیگی نینگ کوپراق ترکیزی شو ایدیکه عدلی و قضایی و شرعی ایشلر باشیده خیر کیشیلر تعیینلسنه ایدی تا که قرآن، حدیث، شرعی علوم، شرعی حدود تنفیذیگه بلد و بونینگ فلسفه سیدن خبردار بولگن کیشی بولیشی کیره ک ایدی.
اسلام امیرلیگی محکمه لرگه تاپشیریلگن تنفیذ حدود برچه مسوولیتلری قوشیمچه جهادی جبهه لرده حربی و امنیتی کوچلرنینگ اصلاح و مواخده قیلیش مسوولیتینی مخصوص بیر شکلده حربی محکمه صلاحیتیگه تاپشیردی.
بنابرین، حربی محکمه نینگ مسوولیتی ایجاب قیلردیکه بو لوازمگه بیر شخصیت انتخاب بولسه هم شرعی و هم مسلکی لحاظدن بو مهم تنفیذی صلاحیت مسوولیتنی ذمه سیگه آلسه ایدی.
باشقه بیر تاماندن تنفیذی ممم وظیفه لرگه تعیینله نیشده ایکی نرسه مهم:
بیلیم و جهادی سابقه:
شیخ هبة الله اخندزاده صاحب زمانه سی نینگ مسلکداشلری اعترافیگه کوره، او اوشبو ایکی مهم امتیازگه ایگه ایدی.
شونینگ اوچون هم امیرالمومنین تامانیدن حربی محکمه بولمیش مهم و حساس بیر نهادنینگ مسوولیتی اوچون تنلندی.
رحمتلی امیرالمومنین نینگ تنلاویده بیر قنچه مصلحت لر نهفته ایدی قوییده اولرنینگ هر بیریگه اشاره قیلینه دی:
کابل ده حربی محکمه، اینگ مهم اداره لر جمله سیدن ایدیکه حدود تنفیذی صلاحیتی اونگه بیریلگن ایدی.
اوشندی که حدود تنفیذی مهم دیر و جامعه نینگ اصلاحی گه سبب بوله دی، شونچه هم یوقاری بیلیم، فقاهت و تنفیذ قیلووچی نینگ دقت سنجشی بولیشی کیره ک لیگی ضرور.
شونینگدیک، حدود شرعي جزالرنی اجرا ایتووچی شخص یوقاریده تیلگه آلینگن صفتلرگه ایگه بولیش بیلن بیرگه، توله انساني تویغولرگه ایگه و ملایم قلبلی بولیشی کیره‌ک. مرحوم امیرالمومنین بو اجره‌لیب تورووچی صفتلرنی شیخ حضرتلریده ایلگریراق سیزگن ایدی؛ شو سببدن بو مهم مسوولیتنی اونگه تاپشیردی.
شونده‌ی حالتلر بوله‌دیکی، شیخ هبة الله آخندزاده صاحب ، بعضی محکمه‌لر نینگ قاضیلری و مفتییلری تامانیدن قصاص حکمی اجرا قیلینمسیدن آلدین، اوّلا اولدیریلگن کیشی نینگ وارثلریدن قاتلنی عفو ایتیشنی سورردی. اولر اوچون اسلامي شریعت نقطهٔ نظریدن قاتلنی عفو ایتیش حقیده الهي کورسه‌تمه‌لر و پیغمبر حدیثلرینی اسله‌تردی و کتّه التجا بیلن قاتلنی کچیریشنی خواهلردی.
بو ایشده او قتل صحنه‌سیده حاضر بولگن آقسقال و دین پیشوالریدن یاردم سورر، اولرنی مرحوم نینگ یقینلری آلدیگه شفاعتچی صفتیده آلیب بارردی، شونده قاتل کیچیریلیشی ممکن ایدی. شیخ صاحب بو ایشنی حکومت وکیلی صفتیده اېمس، بلکه دیني عالِم و تأثیرلی شخص صفتیده بجرردی و کوپ حاللرده، عیناً شو تویغولی حرکتلری برکه‌سی بیلن، قصاصگه حکم قیلینگنلر اولدیریلگنلر عایله‌سی تامانیدن کیچیریلگن و حیاتگه قَیتگن.
شونینگدیک، جنایتلرده اشتراک ایتگن شخصلرگه نسبتاً، قاضیلر بیرار حکم چیقرگنیده، بو حکم نینگ دلیللرینی اثباتلش اوچون فیقهي قاعده‌لرگه رعایه قیلیشده بوتون انساني امکانیتلرینی ایشگه سالر ایدی. شریعتده‌گی «حدود جزالری شبهه بیلن بیکار قیلینه‌دی» دیگن قاعده اساسیده، امکان قدَر بو حدودي جزالر نینگ اجراسیگه یول قویمسلیک اوچون حرکت قیلر ایدی.
بو حقیقتدن عیان بوله‌دی: شیخ هبة الله آخندزاده صاحب اسلامي امريه‌ت حکمرانلیگی دوریده شرعي حکملرنی اجرا ایتیشده وکالتلی محکمه اورگانلریده نهایتده احتیاطکار، ملاحظه‌لی، تویغولی و یومشاق قلبلی مسوول صفتیده اوز رولینی بجرگن و حاضرده هم یوقاریده تیلگه آلینگن فضیلتلرگه ایگه بولگن حالده، اسلامي امیرلیگی نینگ امیری صفتیده جهادي و باشقه شرعي ایشلرنی شریعت قاعده‌لری دایره‌سیده بجریشگه صادق دیر.
اشغالچیلرگه قرشی قیته جهاد باشله‌نیشیده اونینگ نقشی:
قویاش ۲۰۰۱ -ییل ده امریکالیک اشغالچیلر غرب اتلافی بیلن بیرگه لیک ده افغانستانگه هجوم قیلدیلر، اسلام امیرلیگی رهبریتی تاکتیکی وقفه‌دن سونگ مجاهدلرنینگ ایشلرینی تنظیم و منسجم ایتیشنی باشله‌دی. شیخ هبة الله آخندزاده صاحب جهاد و اِعداد نینگ بو حساس مرحله‌سیده باشقه مسووللر بیلن بیرگه‌لیک ده اوزی نینگ ثمره‌لی نقشی بولگن.
او زمانده امریکالیک شغالچیلر نینگ تعقیب و کوزه‌تیب باریشی نتیجه سیده، هر قنده‌ی بیر جهادی فعالیت تقریبا ناممکن بولگن ایدی، شیخ صاحب هبة الله مملکت نینگ بو حساس مرحله‌سیده بیر قنچه مجاهدلر و عالملر بیلن بیرگه مجاهدلرنی ترتیب و تنظیم ایتیش اوچون هارمسدن اوز تلاشلرینی بجردیلر.
مرحوم شیخ صاحب غلام حیدر، شهید شیخ صاحب عبدالسلام و محترم شیخ صاحب عبدالحکیم حفظه الله بو تاریخی خدمتده شیخ صاحب هبة‌الله‌نی یولداشلیک قیلیب و مسلمان وطنداشلریمیزنی صلیبی اشغالچیلر برابریده گی جهاد و مقاومت سنگرلریگه دعوت قیلدیلر و علمی لحاظدن قرآنی و نبوی حدیث‌لردن ارشادات بیان قیلیب اولرنی اعلای کلمة الله و دین همده عقیده دن دفاع قیلیش یولیده مردم نی جهادگه تشویق و ترغیب قیلدیلر.
شیخ صاحب هبة الله و اونینگ عزم لی دوستلری نینگ چرچه‌مسدن آلیب بارگن تلاشلری و اولرنینگ بلیغ، فصیح استدلاللری و عالمانه صحبتلری برکتی بیلن افغانلر ایچیده جهاد جذبه‌سی النگه آلدی و اشغالچیلر برابریده ینه بیر بار مایوس لیک و خسته لیک تیریلدی و بوش قوللر بیلن امریکا رهبرلیک قیلگن کفری اتلاف مقابلیده مقاومت و جهاد باشلندی.
بو مقاومت بیلن افغان مسلمان خلقی دنیا گه شونی کورستدیلرکه بولر خسته‌لیک و بوش قول بولیشگه قره‌مه‌ی، لیکن مردم ینه هم اشغالچیلر برابریده جهاد قیلیشلرینی کورستدی و بونگه ایشانچ لری کامل ایدیکه باطل برابریده نهایی پیروزلیک اوزلریدن ایدی... و کان حقا علینا نصر المؤمنین.
صلیبی اشغالچیلر برابریده گی مقامت جریانیده، شیخ صاحب هبة الله کبی عالملرنینگ عزم و اراده سی و معنوی حمایت ایدیکه بوش قوللر بیلن امریکا رهبرلیک قیلگن خلق ارا صلیفی اتلاف و ناتو ییریک پیمانی نی شکست بیردیلر.
شیخ صاحب هبة الله ۱۵ ییللیک مقاومت جریانیده، دعوت و ارشاد مسوولیتینی قبول قیلیش بیلن بیرگه، ایریم بولیملر جمله دن تمیز و محکمه لر عمومی ریاستده وظیفه بجرگن دیر.
اسلام امیرلیگی اورین باسری حیثیده:
قویاش ۱۳۹۴- ییل و م ۲۰۱۶- ییلده مرحوم امیرالمؤمنین ملامحمد عمر "مجاهد" وفاتی اسلام امیرلیگی رهبریتی آرقلی اعلان قیلینگن چاغده و شهید ملا اخترمحمد "منصور" امیر صفتیده تنلندی، شیخ صاحب هبة الله اونینگ اورین باسری عنوانیده تعییلندی.
شهيد اميرالمؤمنين ملا اخترمحمد "منصور" نینگ خدا بیرگن استعداد اساسیده شخصلر همده مسووللرنی تنلش ده خاص مهارتی بار ایدی.
او امیرلیک نینگ صفیده‌گی چمه‌سی برچه مهم مسووللرنی تانیردی و اولرنینگ هر بیریگه استعداد و بیلیمیگه کوره، مسوولیتلرنی تاپشیرردی.
مذکور مسووللردن بیری شیخ صاحب هبة الله ایدی. شهید امیرالمومنین اونینگ اسلام امیرلیگی مجاهدلری ایچیده‌گی ایش و علمی صلاحیتی و اجتماعی وجاهتینی یخشی انگله‌گن ایدی، شو ایدیکه اونی اسلام امیرلیگی نینگ اداری تشکیلیگه اورین باسر صفتیده تنله‌دی و مذکور یوقاری لوازملی اداری موقفده اونینگ ایش تجربه‌سی، علمی و صلاحیتی استعدادیدن یخشی بیر صورتده فایده لندی.
شهید امیرالمومنین بو تنلاوده بیر مهم و اساسی موفقیتنی قولگه کیلتیردی و بو ایسه شیخ صاحب نی اسلام امیرلیگی نینگ اورین باسرلیک مقامیگه تعیینلش ایدی و امیرلیک حربی و اداری مسووللری نینگ تجمع و ییغیلیشیگه باعث بولدی.
شیخ صاحب، اسلام امیرلیگی امریکا و اونینگ حمایتچیلری آرقلی قتیق تهید آستیده بولگن بیر چاغده اسلام امیرلیگی اورین باسری اوله راق ۱۰ آی وظیفه بجردی.
شیخ صاحب هبة الله اسلام امیرلیگی نینگ بو تاریخ ساز مرحله‌سیده جوده تلاش قیلدی بیرلیک و بیردملیک اوچون مجاهدلر، عالملر، ملی بویوکلر و جهادی شخصیتلر بیلن ایریم جلسه‌لر اوتکزدی و شیخ صاحب اوشه ییغیلیشلرده مجاهدلرنینگ بیرلیگی و صفی کوچه‌یشی یولیده ترکیز قیلدی.
شو بولدیکه شهید امیرالمؤمنین ملا اختر محمد "منصور" رحمه الله قیادتی آستیده و شیخ صاحب همده اونینگ یانیده گی شیوخ و عالملر برکتی بیلن، خداوند متعال اسلام امیرلیگی بیرلیک صفینی تفرق و متلاشی بولیشدن سقله‌دی و اسلام امیرلیگی رهبریت کینگشی اعضالری برچه‌سی بیر آواز بیلن امیرالمومنین جدید شهید ملا اختر محمد منصور یانیده توردیلر وبرچه والیلر، حربی مسووللر، مردمی بویوکلر مملکت ۳۴ ولایتی نینگ تورلی قتلمی اشغالچی امریکالیکلر و اولرنینگ متحدلری برابریده‌گی جهادنی دوام بیریش ده بیعت قیلدیلر.
اسلامی امیرلیگی زعیمی و امیرالمومنیی حیثیده:
هـ ق ۱۴۳۷- ییل شعبان آیی نینگ ۱۴- سیده امیرالمومنین ملا اختر محمد منصور رحمه الله امریکالیک اوچوچی‌سیز باشقریله دیگن طیاره آرقلی شهید ایتیلگن ده، اسلام امیرلیگی رهبریتی اتفاق آراء بیلن شیخ هبة الله صاحب نی اسلام امیرلیگی نینگ زعیمی و امیرالمومنینی صفتیده تنله دیلر.
شیخ صاحب نینگ اسلام امیرلیگی رهبری صفتیده تنله‌نیشی جهادی مصالح تحققی اوچون ییریک عامل و وسیله بولدی، امریکالیکلر و اولرنینگ اتفاقی برابریده جهاد دوام ایتیشی و اسلام امیرلیگی جهادی صفی بیرلیگی و سقله نیشیگه سبب بولدی.
اسلام امیرلیگی رهبریتی کینگشی اعضالری اورته‌سیده تانیلگن کوپینچه حربی و سیاسی شخصیتلرنینگ موجودلیگیگه قره‌مه‌ی، لیکن اولر برچه‌سی اتفاق آراء شیخ صاحب هبة الله نی علمی و جهادی استحقاقی اوچون همده جهادی صفت بیرلیگی سقله‌نیشی مقصدیده بو مسوولیت نی ایلگری آلیب باریش اوچون احق و یخشی بیر تنلاو دیب توشیندیلر.
چونکه شیخ صاحب بوتون ارکان ده مسووللر یوره گی و عمومن آلگن ده امیرلیک مجاهدلری آره‌سیده خاص محبوبیتی بار و اولر اوچون نهایت قابل قدر و ایشانچلی ایدی و الله تعالی برچه مسووللر و مجاهدلرنی اوز اطرافیده ییغیب جمعلش اوچون اونگه خاص صلاحیت بیرگن.
شیخ صاحب نینگ مذهبی و فکری قره شی:
شیخ هبة الله آخندزاده صاحب افغانستانده‌گی باشقه دیني علمالر کبی، بیر دیني عالِم بولیب، اهل سنت و الجماعة طرفداری و حنفی مذهبیگه اېرگشووچی دیر. او ذات نینگ فکري یونه‌لیشی - سنتگه ایرگشیش و سلف صالحین نینگ یولیدن باریش دیر.
او مسلمانلر آره‌سیده هر قنده‌ی مذهبي، فکري و تشکیلاتي تعصبگه اهمیت بیرمه‌یدی و بدعت همده خرافاتلرگه قطعي قرشی توره‌دی. او اسلام امتی نینگ بیرلیکده بولیشینی مسلمانلر نینگ اساسي موفقیت سِری دیب بیله‌دی، اولر نینگ پراکنده‌لیگینی ایسه برچه بختسیزلیکلر نینگ سببی دیب حسابله‌یدی.
شیخ هبة الله آخندزاده صاحب اوز تدقیقاتلریده پیغمبر علیه‌السلام نینگ جهادي حیاتلریگه علیحده قیزیقیش بیلدیره‌دی. شو سببدن، ۱۹۹۹-ییلده حج فریزه‌سینی ادا ایتیش مقصدیده مکه شهریگه بارگنده، حج عمللرینی بجرگچ، مدینه منوره‌ده احد تاغی و رُماة تاغی کبی تاریخي جایلرنی زیارت قیلیشگه قیزیقدی. عیناً اوشه ییرده حضرت محمد صلی الله علیه وسلم تاریخي احد جنگیده مشریکلرگه قرشی کوره‌شده جراحت آلگن ایدیلر و او ییرده حضرت سید الشهداء حمزه رضی الله عنه شهید بولگن ایدیلر.
اونینگ کونده‌لیک حیاتده‌گی ایریم ویژلیکلری:
شیخ صاحب هبة الله اوزی نینگ علمی و اجتماعی حیاتیده ایریم ویژه لیکلری بار. اسلام امیرلیگی نینگ برچه مسووللری و کیشیلری شیخ صاحب گه جامع بیر انسان و تن آلینگن شخصیت نظریده کوره دیلر.
شونینگ اوزی سبب بولدیکه شهید امیرالمومنین تعیینلنه دیگن چاغده، شیخ صاحب مجاهدلرنی بیرلشتیریش و اونگه بیعت اوچون اساسی نقشی بار ایدی و امیرالمومنین شهید ایتیلگندن سونگ هم، شیخ صاحب اسلام امیرلیگی رهبری تعین بولیش پیتیده، اسلام امیرلیگی نینگ بوتون اعضالری همده مجاهدلر کیسکین اتفاق بیلن اونینگ امیرلیگی اوچون متفق و همه استثناسیز اوندن بیعت قیلدیلر.
شیخ صاحب اوزاق ییللردن بیری، قرآنکریم تفسیری و نبوی حدیث لرینی مسلسل درس بیریب کیلگن دیر و حاضر هم مملکت ده سناق‌سیز شاگردلری بار. او جامع علمیتی یانیده، جوده یخشی سوزلش فصاحت گه هم ایگه و آسانلیک بیلن مقابل تاماننی یخشی قناعت بیره آله‌دی.
اوزی نینگ فیصله و تصمیملریده کوپ عزملی و جدی بوله‌دی.
مجلسلرده کوپینچه جیم توره‌دی، لیکن ضرورت بولگنده گپلری جوده فایده‌لی و تاثیرچن دیر.
متانت، وقار و اسلامی همدردلیگی اونینگ حیاتیده گی اساسی ویژه لیکلردن سنه‌له‌دی. اونینگ حیاتی ساده و بی تکلف دیر، ییش، ایچیش، لباس و مسکن ده اونچه هیچ قنده ی بیر تجمل کوریلمه یدی.
اونینگ کوریش بیلن هر بیر شخص کته و مهربان اکه‌سی و اوزی نینگ مشفق استادی بیلن یوزمه یوز بولگنینی احساس قیله‌دی.
شیخ صاحب حاضرگی کونده اسلام امیرلیگی زعیمی، امیرالمومنین و افغانستان مومن و عادل حاکمی صفتیده اوزی نینگ مهم وظیفه‌سینی بجره دی و اونگه الله تعالیدن برچه ایشلریگه کمک، حفاظت و استدعا قیله‌میز.
