ملا عبدالغنی برادر میلادی ۱۹۶۸- ییلده افغانستان جنوبی ارزگان ولایتی نینگ دهراود اولسواللیگیده دنیاگه کیلگن. او پشتون قومی نینگ پوپلزی شاخه سی نینگ درانی قبیله سیگه تیگیشلی دیر. اونینگ اصلی آتی عبدالغنی دیر. او ملا محمد عمر مجاهد رحمه الله نینگ یقین دوستی بولگنی اوچون، «برادر» لقبی بیرینچی مرته اونینگ تامانیدن اونگه بیریلگن. ملا برادر دینی تعلیماتلرنی پاکستان مدرسه لریده اوقیگن، اما شوری قیزیل قوشینی نینگ افغانستانگه باستیریب کیلیشی و اونگه قرشی کوره شیش سبب ملا برادرگه تحصیلاتینی یکونلنتیریشگه فرست بیرمه گن.
ملا برادر یاشلیک پیتلریده ملا محمد عمر مجاهد بیلن دوست بولگن و او عالی جناب بیلن بیرگه لیکده میلادی ۱۹۸۰ ییلده شورویگه قرشی جهادنی باشله گنلر. اولر اسلامی حزب اعضالری صفتیده مولوی محمد یونس خالص رهبرلیگیده بیرگه لیکده مبارزه قیلگنلر. ایریم مجاهدلر گروهی اورته سیده اوروشلر باشلنگنده و جهادی رهبرلر قدرت چوکیسینی آلیش اوچون مملکت قیشلاقلری و شهرلرینی ویران قیلگنده، ملا برادر ۱۹۹۴- ییلده باشقه اوچ کیشی اورتاقلری بیلن اسلامی امارتنی تاسیس قیلدیلر. اسلامی امارت ایککی ییل ایچیده چمه سی بوتون افغانستاننی اوز حاکمیتی آستیگه آلیب گروه لر همده سابق حزبلر گلیمینی ییغدی. ملا برادر میلادی ۱۹۹۶ – ییلدن ۲۰۰۱ ییلگه قدر تورلی وظیفه لرنی بجرگن دیر. هرات و نیمروز والیسی صفتیده بجرگن مسوولیتلرینی بو ییرده ایسلش لازم دیر.
میلادی ۲۰۰۱- ییلده امریکا افغانستانگه هجوم قیلگن پیتده، ملا برادر ملی مدافعه وزیرلیگی اورین باسری بولگن و اسلامی امارت سقوط قیلگندن سونگ، کویته کینگشی عضوی و ملا محمد عمر مجاهدنینگ معاونی ایتیب تعیینلندی.
میلادی ۲۰۱۰- ییلده امریکا و پاکستان استخباراتی ملا عبدالغنی برادرنی کراچی شهریده اوشلب آلیب آزادلیکدن محروم قیلدی. او قماققه آلینمسدن آلدین بیر نیچه بیانیه و عمومی صحبتلر اوتکزگن ایدی، مصاحبه لریدن بیری «نیوز ویک» بیلن بولگن ایدی. مصاحبه جریانیده سواللردن بیریگه قوییده گیچه جواب بیرگن ایدی: « صلح نینگ اصلی شرطلریدن بیری خارجی کوچلرنینگ افغانستاندن چیقیشی دیر.»
ملا برادر سککیز ییل قماقنی اوته گندن سونگ، امریکا نینگ ایسته گی بیلن میلادی ۲۰۱۸- ییلده پاکستان تورمه سیدن آزاد قیلیندی. او تینچلیک مذاکره لریگه قطرده اسلامی امارتدن نماینده لیک قیلدی و قطرگه کیلیشی بیلن دوحه ده اسلامی امارت سیاسی دفتری نینگ مسوولی بولیب تعینلندی. ملا برادر ایریم ییغین و جلسه لردن سونگ میلادی ۲۰۲۰- ییلده اسلامی امارت نماینده سی صفیده دوحه ده امریکا قوشمه ایالتلری بیلن صلح کیلیشوونی امضاله دی. مذکور کیلیشوونینگ اصلی شرطی خارجی کوچلرنینگ بوتونله ی افغانستاننی ترک قیلیشی ایدی. صلح بوییچه شرطنامه امضالنگندن کیین، امریکا جمهور رئیسی دونالد ترامپ بیلن تیلفون آرقه لی صحبت قیلدی.
اوندن سونگ صلح مذاکره لری افغان حکومتی بیلن باشلندی اوشبو مذاکره لرنینگ دوامیده اسلامی امارت نینگ هیاتی ملا برادر رهبرلیگیده بعضی بیر اولکه لرگه هم سفر قیلدی.
میلادی ۲۰۲۱- ییلده کابل (اسلامی امارت مجاهدلری قولیگه) سقوط قیلگندن اوچ کون کون سونگ، ملا برادر آخند آگست آیی نینگ ۱۷ – سیده طالبلرنینگ ایریم بلند مرتبه لی رسمیلری بیلن بیرگه لیکده قندهار و کیین آگست نینگ ۲۳- سیده کابل گه کیلدی.
ملا برادر آخند میلادی ۲۰۲۱- ییل سپتامبر آییده تایمیز مجله سی تامانیدن ۲۱- عصرنینگ ۱۰۰ تاثیرلی شخصیتلری قطاریگه تنلندی.
ملا عبدالغنی برادر آخند سرپرست کابینه تشکیل قیلینگندن سونگ، افغانستان اسلامی امارت ریاست الوزراء نینگ اقتصاد ایشلری بوییچه اورین باسری و طبیعی حادثه لرگه ایریشیش اوچون دولت عالی کمیسیون باشلیغی مسوولیتینی ذمه سیگه آلدی و حاضرگچه اوشبو لوازمده وظیفه بجریب کیلماقده.
