بسم الله الرحمن الرحیم
د افغانستان اسلامي امارت د اسرائیلي رژيم له لوري د سوريې پر خاوره، په ځانگړې توگه په دمشق او نورو ځایونو بريدونه په کلکو ټکو غندي.
دغه ډول تجاوزونه نه یواځې د یوه خپلواک دولت د حاکمیت نقض دی، بلکې د ټولې سيمې د لا بېثباته کولو او هرج و مرج خپرولو سيستماتيک جنايت دی.
د افغانستان اسلامي امارت په سيمه کې پر اغېزناکو هېوادونو او سازمانونو غږ کوي چې د دغو تیریو پر وړاندې خپل مسؤولیت ادا کړي او د اسرائیلي رژیم دغه ډول تجاوزونه ژر تر ژره ودروي، او د سوریې د ولس او مشروع حکومت خپلواکۍ او ملي حاکمیت ته درناوی ولري. والسلام
د افغانستان اسلامي امارت
۲۰/۱/۱۴۴۷هـ ق
۲۵/۴/۱۴۰۴هـ ش ــ 2025/7/16 م
