د افغانستان اسلامي امارت د ریاست الوزراء اداري مرستیال محترم مولوي عبدالسلام حنفي په داسې حال کې چې د ښار او کور جوړولو وزارت سرپرست محترم مولوي حمدالله نعماني، د فاریاب والي محترم مولوي عبدالاحد فضلي او د هغه ولایت نورو مسؤلینو، یې ملتیا کوله، نن ماسپښین د فاریاب ولایت قیصار ولسوالۍ ته سفر وکړ او د هغې ولسوالۍ علمای کرامو، مشایخو ، مجاهدینو، متنفذینو ، مخورو او مسؤلینو سره یې وکتل.
په دې کتنه کې محترم مولوي عبدالسلام حنفي د اسلامي نظام، یووالي او امنیت د ټینګښت لپاره د قیصار ولسوالۍ د خلکو د مبارزو او سرښندنو په اړه خبرې وکړې او همدارنګه یې د افغان کډوالو پر وړاندې چې په اجباري توګه له ګاونډیو هیوادونو رااېستل کېږي د اسلامي امارت د اجراتو او کړنو یادونه وکړه او د خلکو له ټولو اقشارو یې وغوښتل چې د توان ترحده مهاجرینو سره په مرسته او همکاري کې سهیم شي
د ریاست الوزراء اداري مرستیال زیاته کړه، راستنېدونکو کډوالو ته د خدماتو وړاندې کول زموږ ټولو اسلامي او اخلاقي مسئولیت دی، نو لازمه ده د هغوی د ملاتړ او حمایت اقدام وکړو.
د قیصار ولسوالۍ علماوو، مشایخو ، مجاهدینو او اوسېدونکو د ریاست الوزراء اداري مرستیال محترم مولوي عبدالسلام حنفي ته د ښه راغلاست پرمهال د اسلامي نظام د تحکیم، د امنیت د تامین او د خلکو د ستونزو د رفع کولو په خاطر د اسلامي امارت د رهبري او
مسئولینو په هڅو او زحمتونو خوښي څرګنده کړه.
هغوی مهاجرینو ته د هرکلي د تیاري ترڅنګ همدارنګه ډاډ ورکړ چې د راستنو شویو وروڼو ترڅنګ به وي.
