افغانستان اسلام امیرلیگی ریاست الوزارء سیاسی اورین باسری حرمتلی مولوی عبدالکبیر بوگون قاضی گل الرحمن باشچیلیگیده افغانستان خصوصی بیلیم یورتلری اویوشمه سی نینگ رهبریلیک هیاتی بیلن اوچره شدی.
اوشبو اوچره شووده، بو بیرلشمه نینگ رهبرلیگی افغانستانده حقیقی اسلامی نظامی اورنه تیلگنی و افغانلرنینگ ایسته گینی تیلگه آلیب ایتیشیچه، اسلامی نظام نینگ مستحکمله نیشی و برقرارلیگی اوچون اسلام امیرلیگی بیلن هر قنده‌ی همکارلیککه تیار ایکنلیکلرینی بیلدیلردیلر.
اولرنینگ سوزلریگه کوره، سوادلی همده رواجلنگن بیر افغانستان مقصدیده بیلیم یورتلری اوچون سرمایه یاتقیزگنلر.
شونینگدیک بو بیرلشمه نینگ رهبرلیگی مملکت خاتین قیزلری نینگ یوزیگه بیلیم یورتلری آچیلیشینی ایستب بو توغریده اوزلری نینگ پیشنهاد همده مصلحتلرینی بیلدیردیلر. سیاسی موفقیت دن سونگ افغانستان اوزی نینگ اقتصادی همده علمی ساحه ده هم مستقلیلگینی سقلب قالیشی مهم دیر دیدیلر.
ریاست الوزراء سیاسی اورین باسری اولرگه منتدارچیلیک قیلیب ایتیشیچه، افغانستان و اسلام امیرلیگی برچه افغانلرنینگ قوشمه اویی دیر و هر بیر افغان بو حقده اوزی نینگ مصلحت و نظرینی بیره آله دی.
اونینگ کوپه یتیریشیچه، اسلام امیرلیگی قیزلرنینگ اوقیشی اوچون مخالف ایمس دیر، بو مساله تیزلیک ده حل بولیشی اوچون سعی وحرکت آلیب باریله دی.
حرمتلی مولوی عبدالکبیر جنابلری اوزی نینگ صحبتی اداغیده افغانستان تورلی بولیملرده متعهد خادملرگه ضرورتی بار و سیزلرنینگ مصلحت همده نظریه لرینگیزگه جدی توجه بوله دی دیب ایشانچ بیردی.
